Recoméndanme outro fisioterapeuta en Santiago, Clínica Medef, onde me dixeron que tiña Tendinopatía da Cintilla Iliotibial ou Xeonllo do Corredor, alí danme un duro masaxe para soltar o tendón e fixéronme por primeira vez unha punción seca, aínda que me doeu máis o masaxe a sensación da agulla non era moi agradable.

Tras dous días descansando do masaxe tiven que saír a trotar 5 min. para comprobar se foi efectivo o tratamento, aínda que si había unha leve melloría a dor seguía polo que tiven que volver para seguir tratándome.

Todo este mes estiven indo ao fisio e xa podía correr durante un bo tempo sen que notase a molestia pero esta ía aparecendo aos poucos como si a zona se fora cargando pouco a pouco.

Finalmente a última semana dinme que xa estou ben e que empece a correr pouco a pouco. A lesión que tiven foi un cúmulo de circunstancias: sobrecarga de carreiras dos últimos meses, unha técnica de pisada que me facía traballar de máis a zona do xeonllo e que fixo que se me cargasen outros músculos e tendóns, non ter forte algún grupo muscular para ter a estabilidade necesaria e non estirar correctamente. 

Unha vez sabendo todo o que teño que corrixir decido darme unha semana de descanso e retomar os adestramento en Abril, intentando sobre todo gañar forza no tren inferior, core e estirar ben.

Tras planificarme, comezamos os adestramentos. A primeira semana ía con bastante medo de recaer da lesión pero foi un alivio saír a correr sen ningunha molestia dende Decembro, foron distancias curtas pero que alegría volver correr.

Como se nota todo o perdido porque antes o que era unha saída tranquila a 4:40 min/km agora dábame a sensación de ir a tope. Que rápido se perde o ritmo e logo que difícil e gañalo...

Pouco a pouco e segundo ían transcorrendo os días xa comezaba a notar unha melloría sobre todo a partir da terceira semana onde xa sen medo comecei a forzar máis e xa comezaban a saír bos ritmos. O mellor de todo era que despois de correr xa non tiña molestias e estaba a estirar moito mellor. Antes en 5 minutos xa tiña rematado de estirar pero agora tranquilamente estaba botando uns 15 minutos estirando e centrándome sobre todo en isquios do que viña sufrindo en ambas pernas.

Na última fin de semana decidín volver a competición e fíxeno para participar na XV Carreira Popular de O Pino. Onde non houbo molestias ningunha pero tiven que ir controlando para non forzas de máis.

MAIO (4 probas)

Seguía collendo ritmo competitivo e cada vez con mais ganas aínda que me estaba custando sobre todo no fondo físico xa que perdera bastante.

A primeira proba deste mes levoume ata Muros para disputar a IX Carreira do Espíritu Santo, onde conseguín ser competitivo case toda a proba pero nos últimos km's xa ía sen forzas ningunha.

Foto: Jesús Fernández

Logo tocou desprazarse ata Vila de Cruces, onde se celebraba a III Carreira Popular O Galo Corre. Xa coa intención de ir mellorando os rexistros do ano pasado e que finalmente consigo xa que acabei chegando o primeiro podio do ano polo que o medo a recaída da lesión xa non existía e volvía a ter a confianza nas pernas.


Para a terceira proba deste mes non me tiven que desprazar moi lonxe xa que corría no Concello veciño Boqueixón aínda que a proba remataba en Santiago xa que se ía celebrar a V Carreira Camiño das Letras con saída no Pico Sacro e meta na Cidade da Cultura percorrendo o Camiño de Santiago e onde por sorte e sorpresa conseguín a miña ¡¡¡PRIMEIRA VITORIA!!!

Foto: Concello de Boqueixón

Para rematar o mes despraceime ata Portosín para disputar o I XToSín Trail xa con moitas ganas de volver a correr polo monte acabei con un novo podio sumando así tres consecutivos e coa confianza a tope para a seguinte proba onde era un dos obxectivos que non puiden cumprir o ano pasado.

Foto: Andrea Carleos

XUÑO (5 probas)

Para rematar o mes e coller o descanso de verán, despraceime ata Marín para disputar o Campionato Galego de 10K en ruta. Aquí si que tiña moitas opción para mellorar o tempo con un circuíto a priori rápido pero que finalmente tampouco puiden conseguir mellorar a marca por mor dunha mala saída que despois me custou recuperar.

Foto: Diego Torrado (PontevedraViva)

AGOSTO (1 proba)

En agosto polo normal sempre para do correr para darlle descanso o corpo e poder desfrutar un pouco do verán e non estar sempre correndo.

Regreso a última semana como é habitual para disputar a X Carreira Popular Concello da Pobra do Caramiñal e que é a primeira proba do Circuíto Arousa Norte ao cal este ano me volvín anotar con moitas ganas de facer un bo papel xa que había premios por categorías e ía intentar chegar a eles. En canto o resultado desta primeira proba non foi o esperado, quedei algo máis atrasado do que tiña pensando e tampouco puiden mellorar o tempo que teño nesta proba.

Foto: A Pobra Deportes

SETEMBRO (6 probas)

Comecei setembro participando no Campionato Galego de 5K en ruta que este ano tivo a sede en Curtis e a que fun co obxectivo de intentar mellorar a miña marca na distancia que é de 18:02 min acadados en Curtis 2017. Comecei mal pero pouco a pouco me fun atopando mellor e conseguín o obxectivo mellorando a marca en 14 seg. e marcando un tempo de 17:48 min.

Foto: Tere (Oleiros Running)

Tras lograr mellorar a marca tocou correr a proba que me veu nacer como corredor, a Carreira Popular do Gundián. Intentei mellorar o tempo que tiña nesa proba pero foi un mal día e as sensacións non foron moi boas.

Foto: Organización

Logo tocou dobrar proba. Primeiro participei na primeira proba do Circuíto de Carreiras Saudables de Santiago, a CorreSan Nocturna Cidade Vella. Os obxectivos serían intentar mellorar o tempo e quedar nunha boa posición para a clasificación do circuíto e finalmente conseguín mellorar o tempo pero non quedei nunha boa posición polo que nas seguintes probas ía tocar remontar.

Foto: RunPhotos Galicia

Despois de participar o día anterior na CorreSan, tocou desprazarse ata Outes para disputar o Cross de Verán de Broña no cal igualei o resultado acadado o ano pasado chegando ao primeiro posto da categoría.


Tras o podio de broña fun disputar a Carreira Solidaria Festas de Lalín na que non tiven un bo día e non acadei un bo rendemento.

Foto: Concello de Lalín

A seguinte semana participei na segunda proba do Circuíto Arousa Norte que corresponde coa Carreira Popular Santa Uxía de Riveira. Este ano por mor dunhas obras o circuíto non estaba homologado polo que non podía intentar mellorar a marca pero si ir recuperando postos na clasificación do circuíto e así foi, incluso se estivese homologado sería mellor marca persoal.

Foto: Difusion ProSport

OUTUBRO (6 probas)

NOVEMBRO (5 probas)

DECEMBRO (5 probas)