Miguel Iglesias - Trail & Run GZ: Menos de 5K

VII Carreira Solidaria pola Esclerose Múltiple

xuño 09, 2024
Por: IglesiasAmores
0 Comentarios

XIV Nocturna de Nadal Ferse #YoCorroPorLua

decembro 25, 2023
Por: IglesiasAmores
0 Comentarios

III Cross Solidario Unha Tarde con Samuel

marzo 25, 2023
Por: IglesiasAmores
0 Comentarios

Volvo ata Santiago de Compostela, concretamente ata o Monte do Gozo onde se ía celebrar o III Cross Solidario "Unha tarde con Samuel". O percorrido serían 4 voltas ata completar unha distancia de 5Km no que xa participei o ano pasado e que ao final case é 1Km menos. Este cross é 100% solidario xa que todo o recadado vai destinado a investigación da distrofia muscular Duchenne e Becker.

O obxectivo sería:

Sen obxectivos máis que o de colaborar coa causa.

O resultado final foi:

Posto xeral: 16º de 108
Posto categoría: 3º 🥉
Tempo: 17:37 min.
Ritmo: 4:18 min/km

O obxectivo cumprido xa que co día que estaba non había ganas ningunha de estar alí pero a causa merecía a pena. Conseguín un podio que non me esperaba e menos coas malas sensacións que tiven en carreira coas pernas pesadas e na zona que íamos subindo pegaba todo o vento de cara e parecía que non te movías.

O percorrido este ano máis duro que o anterior polas condicións climatolóxicas xa que o vento en zonas do percorrido molestaba bastante e a chuvia fixo que estivese algunha zona máis embarrada. Finalmente saíron sobre 4,1 Km como o ano anterior.

En canto a proba estivo ben xa que o carácter solidario da proba é o máis importante pero ademais podías recoller o dorsal o día anterior ou o mesmo día da proba, o avituallamento final moi completo ata había rosca e chocolate quente ou café que co día que estaba viña perfecto e antes da entrega de trofeos había sorteos entre os asistentes. O único que intentaría poñer sería o servicio de duchas, que non sei se nalgunha das insolacións que están alí ao carón dispoñen delas e por parte da cronometraxe máis velocidade a hora de sacar os resultados.

🏆 Clasificación xeral homes 🏆

Alejandro Roca Rivera ... 16:12
Lucas Pena Carracedo ... 16:13
Jose Sandá Ares ... 16:23

🏆 Clasificación xeral mulleres 🏆

Alejandra Formoso Recarey ... 18:50
Noelia Papín Estévez ... 19:12
Andreia Ramos Leis ... 20:48

Pd.: Clasificación completa. Moitas grazas por pasarte!!

IX CorreSan - Barrio de San Pedro

marzo 18, 2023
Por: IglesiasAmores
0 Comentarios

VII Carreira do Entroido

febreiro 18, 2023
Por: IglesiasAmores
0 Comentarios

II Cross Solidario "Unha tarde con Samuel"

marzo 26, 2022
Por: IglesiasAmores
0 Comentarios

Xa encadeando adestramentos e collendo ritmo. Tocou desprazarse ata Santiago de Compostela, concretamente ata o Monte do Gozo onde se ía celebrar unhas desas probas nas que sempre que se poida hai que participar xa que a súa finalidade e recadar diñeiro para a investigación dunha enfermidade rara. Esta era a segunda edición do Cross Solidario en favor da investigación de Duchenne y Becker "Unha tarde con Samuel". O percorrido 4 voltas ata completar unha distancia de 5 Km aprox. que transcorrían polo parque do Monte do Gozo.

Desta vez sen obxectivos xa que o importante era participar e ademais ía correr e gravar a vez xa que ando inventando algo pero de momento só ando facendo probas.

Como intento facer sempre, fun con tempo para aparcar ben pero sorprendentemente xa estaba alí todo o mundo e tiven que aparcar máis lonxe do lugar da saída. Vou recoller o dorsal e vese un moi bo ambiente. Nese traxecto foto con Jesús Bernal e algún corredor máis que por alí pasaba.

Foto: Jesús Bernal

Tras recoller o dorsal, volvín ao coche para rematar de cambiarme e ver a saída das categorías de menores xa que a proba absoluta era a última en disputarse. Despois de ver unha das saídas púxenme a quecer facendo o percorrido para ir comprobando o que nos íamos atopar. Tiña toda a pinta de que ía ser duro. Arrancaba costa arriba onde tiñamos dous obstáculos, un tronco e un pequeno muro de pedra, continuaba por un pequeno tramo chan para seguir subindo un pouco máis ata chegar a zona máis alta. Dende aí era todo baixar serpenteando entre arbores ata o punto de saída. Coloqueime bastante adiante máis do que tiña pensado pero quería evitar o tronco da saída... Así tras unha conta atrás deu comezo a proba e como non, tiven que pasar por encima do tronco.

Foto: Juanma Fotografía

Arranquei con calma e gañando algún que outro posto mentres íamos subindo, practicamente esa foi a tónica da primeira volta.

Foto: FotoCampeón

As seguintes voltas xa foron máis estables, ritmo controlado e mantendo posición mentres intentaba gravarme (onde finalmente non gravei nada 🤦).

Na última volta en vez de seguir cara o punto de saída tíñamos un desvío a esquerda duns 200m para cruzar o arco de meta.

Foto: FotoCampeón

O resultado final foi:

Posto xeral: 22º de 143.
Posto categoría: 4º.
Tempo: 17:45 min.
Ritmo: 4:06 min/km.

En canto a carreira ao final saíron 4,3Km dos 5Km anunciados pero todo moi ben organizado e onde o importante era aportar algo para a investigación da enfermidade. As sensación foron boas a pesar de ser pola tarde xa que me custa máis levar un ritmo rápido e iso que adoito adestrar polas tarde pero en competición cústame máis.

🏆 Clasificación xeral homes 🏆

Amador Pena Torreira ... 15:18
Marcos López Sampedro ... 15:25
Daniel Paz Pardo ... 15:30

🏆 Clasificación xeral mulleres 🏆

Julia Vaquero Sousa ... 19:11
Alejandra Formoso Recarey ... 19:31
Elena Veres Ojea ... 19:41

Pd: Clasificación completa. Fotos cortesía de: Jesús Bernal, Juanma Fotografía e FotoCampeón. Moitas grazas.

I Carreira Solidaria Ponte en su Piel

maio 21, 2019
Por: IglesiasAmores
0 Comentarios

Tras dous podios consecutivos en 5 días (Carreira Camiño das Letras e Trail Serra do Barbanza), tocou desprazarse novamente ata a Cidade da Cultura xa que se ía disputar a I Carreira Solidaria Ponte en su Piel. O percorrido transcorrería polas arredores da Cidade da Cultura ata completar unha distancia de 2,5 Km. A verdade é que non estou a feito a correr estas distancias tan curtas e non sei como vai actuar o corpo pero o motivo da proba ben valía a súa asistencia. Por cada corredor que chegase a meta a farmacéutica Brystol-Myers Squibb doaría 10€ a Asociación Melanoma España para a investigación do cáncer de pel.

O obxectivo sería:

Tomala como un adestramento de cara a próxima proba.

Cheguei a Cidade da Cultura cando faltaban 30 min. para o comezo da proba. Xa ía cambiado polo que só tiña que recoller o dorsal e poñerme a quecer. As pernas seguían tocadas das últimas probas sobre todo nos isquios polo que nada máis recollín o dorsal púxenme a quecer para preparar o corpo ao esforzo express ao que o ía someter.

Cando faltaban 5 min. funme achegando ao arco de saída para colocarme nun bo sitio pero de momento había xente facendo zumba a modo de quecemento. Cando remata ímonos colocando e quedo ben posicionado, igual un pouco atrasado para saír rápido pero non debería haber problema. Cando todo estivo OK, deuse o pistoletazo de saída.

Foto: Federación Galega de Atletismo

Arranquei bastante ben, controlando nos primeiros metros de non tropezar con ninguén pero sen moito problema. Os primeiros 500 metros eran polo empedrado da Cidade da Cultura onde deu tempo a gañar moitos postos e ir asentando as posicións para adentrarnos nos camiños de terra do Bosque de Galicia.

Durante o percorrido polo Bosque de Galicia tamén gañei algún posto pero xa me estaba custando máis, estabamos indo moi rápido. Así o primeiro km fíxeno en 3:16 min/km que non estaba nada mal, xa podía aguantar así un 10K... jajaja.

O segundo km foi o máis duro xa que había unha pequena subida pero ao ritmo que estabamos indo fíxose bastante dura. Nesa subida perdín un posto pero seguía en persecución para ver se podía recuperar o posto pouco a pouco. Non foi posible, a subida notouse e non conseguía acercarme. Este segundo km fíxeno en 3:39 min/km.

Quedaban 500 metros con moitos xiros xa polo empedrado da Cidade da Cultura e onde perdo un novo posto, xa non tiña as pernas para moito máis, non podía ir máis rápido e tampouco quería forzar moito máis polo que intentei manter posto e así cheguei a meta.

O resultado final foi:

Posto xeral: 13º de 402.
Posto categoría: 9º.
Tempo: 8:48 min.
Ritmo: 3:27 min/km

O obxectivo cumprido fixen unha boa carreira para non estar acostumado a correr distancias curtas nin a adestrar series polo que bastante satisfeito co ritmo obtido pero sei que igual un pouco máis rápido podería haber ido pero as últimas probas foron bastante esixentes e fun con medo de poder romper.

En canto a proba, todo perfecto. O percorrido para ser só 2,5 Km tiña de todo, zonas rápidas, unha subida para desfacer un pouco as pernas, voluntarios nos cruces, animación inicial, avituallamento final, inscrición de balde e solidaria. Espero que siga habendo iniciativas así e sempre que poida aí estarei para poder axudar.

🏆 Clasificación xeral homes 🏆

Amador Pena Torreira ... 8:10
Victor Esparis García ..... 8:12
Brais Picón Montero ...... 8:12

🏆 Clasificación xeral mulleres 🏆

Ester Pedrosa Carrete ... 9:25
Ainoa Gontan Iglesias .... 9:36
Tania Mª. Silvelo Pallín ... 10:06

PD: Clasificación completa. Foto cortesía de: Federación Galega de Atletismo. Moitas gracias.

VII CorreSan - Barrio de San Pedro

decembro 01, 2018
Por: IglesiasAmores
0 Comentarios

Xa sen opcións na clasificación final do circuíto, tocou disputar a última proba do VII CorreSan que nos levaría a percorrer as rúas do Barrio de San Pedro. Nun percorrido de dúas voltas ata completar a distancia de 4,8 Km.

Os obxectivos serían:

Desfrutar desta nova proba xa que é a primeira vez que se vai facer este percorrido.
Tomala como adestramento e activación para a proba do día seguinte.

Cando cheguei a Santiago dirixinme ao aparcadoiro de Belvís xa que quedaba a 200 metros da saída pero estaba cheo e tiven que buscar outra zona onde poder aparcar. Cando o conseguín, só restaban 30 minutos para a saída e aínda tiña que andar uns 15 min. polo que xa fun a trote e así aproveitei para ir quecendo. Xa na a zona da saída, quentei un pouco por onde puiden xa que estaban os rapaces das categorías inferiores acabando de correr. Cando remataron e fomos chamados para a saída, coloqueime nunha zona media pero tirando cara adiante xa que a idea era ir máis tranquilo do que normalmente vou pero tampouco ir andando.

Tras unha conta atrás deu comezo a proba. Arranquei con moita precaución xa que o terreo polo que era a saída e practicamente toda a proba era empedrado e estaba todo mollado da chuvia que caera e que seguía caendo intermitentemente.

Foto: Xoán A. Soler (La Voz de Galicia)

A primeira volta foi para ver que tal era o percorrido e posiblemente fora o máis duro e "técnico" das catro probas. Comezabamos subindo uns 200 metros aprox., logo viña unha zona favorable que foi onde comecei a gañar postos xa que xa había máis sitio por onde poder marcar un ritmo propio. Rematada esa zona favorable viña outra subida (Km 0,75) pero esta xa tiña unha pendente considerable. Rematada esta pendente novamente zona favorable ata o Km 1,5 onde había un xiro perigoso e estreito. Despois seguíamos baixando ata unha nova e última subida tamén con unha pendente considerable (Km 1,85). Ao rematar esta subida xa só quedaba unha longa baixada e un xiro perigoso para entrar na recta de meta.

Así a primeira volta fíxena en 9:13 minutos que supoñía ir a un ritmo de 3:50 min/km de media polo que estaba indo bastante ben e controlando.

Foto: Juanma Fotografía

A verdade é que me sentía moi raro correndo sen esforzarme moito e intentando controlar o ritmo para non forzar máis da conta porque unha vez estás en carreira é moi fácil caer na tentación de ir a por todas e ao que dean as pernas.

A segunda volta ao saber xa como era o percorrido xa podía controlar mellor o ritmo sabendo o que ía tocar pero aínda que fun todo o tempo controlando, sobre o km 3,5 aprox. a molestia que me aparecera na Media Maratón de Vilagarcía a semana anterior volveu aparecer e xa non era tanto o xemelgo senón máis cara o soleo ou tendón de Aquiles. Aínda así fun mantendo o ritmo e practicamente durante toda a proba gañando postos.

Esta segunda e última volta fíxena en 9:15 min. que supoñía ir a un ritmo de 3:51 min/km, dous segundos peor que na primeira volta polo que o ritmo que fun levando foi bo e conseguín manter un ritmo estable.

Foto: RunPhotos Galicia

O resultado final foi:

Posto xeral: 52º de 371.
Posto categoría: 15º.
Tempo: 18:28 min.
Ritmo: 3:42 min/km

Os obxectivos ben aínda que esa molestia no soleo/tendón de Aquiles deixoume un pouco preocupado xa que tras a media maratón de Vilagarcía dinlle descanso ao corpo e pensaba que tiña as pernas recuperadas pero polo visto debe haber algo de sobrecarga. Aínda así saíume un ritmo bo e sen apertar moito aínda que houbo un km que me saíu a 3:37 min/km.

En canto a carreira e bastante rompe-pernas xa que practicamente estas durante todo o percorrido subindo ou baixando e case non hai llanos. Ademais se lle sumamos o empedrado, algo que non me gusta nada e a que estaba mollado, facíase moi perigoso. Posiblemente das catro probas do CorreSan deste ano, esta foi a que menos me gustou. Sigo botando de menos a cronoescalada individual, era un formato novo e que me gustou moito.

🏆 Clasificación xeral homes 🏆

Amador Pena Torreira ................ 15:43
Nuno Costa ..................................... 15:43
Juán P. Fernández Rodríguez ... 15:44

🏆 Clasificación xeral mulleres 🏆

Esther Rodríguez Díez ..... 18:23
Mónica Álvarez Alonso ... 18:49
Johana Torres Torres ....... 20:34

PD: Clasificación completa. Fotos cortesía de: Xoán A. Soler (La Voz de Galicia), Juanma Fotografía e RunPhotos Galicia. Moitas gracias.

XXVII Carreira do Gundián

setembro 09, 2018
Por: IglesiasAmores
0 Comentarios

O ano pasado non puiden asistir a esta proba porque coincidira co Campionato Galego de Media Maratón en Ribeira pero este ano volvía a carreira da casa e que me veu nacer como corredor xa que foi a primeira que fixen no 2013, cumprindo así 5 anos neste mundillo.

Toca desprazarse ata Ponte Ulla (Vedra) onde se ía celebrar a XVII Carreira do Gundián. Sobre unha distancia de 4 Km dando unha volta e media a un duro percorrido.

Os obxectivos serían:

Intentar mellorar o tempo que teño nesta proba que é de 15:40 min. conseguido no 2015.
Desfrutar do gran ambiente que hai sempre nesta proba.

Cheguei a Ponte Ulla para recoller o dorsal e esperar que chegase a hora para poñerse a quecer, mentres fun saudando a gran cantidade de compañeiros de carreira que tamén ían disputar a proba. Antes da carreira absoluta corrían os da categoría inferior na que este ano ía miña prima Vanesa e que conseguía ser a 15º muller en entrar en meta.

Mentres esperaba a que rematasen os da categoría anterior púxenme a quecer un pouco para preparar as pernas para as duras pendentes que nos esperaban. Rematada a proba anterior, era a quenda da absoluta. Coloqueime nunha segunda fila para a saída xa que ía intentar saír forte antes das subida para ter unha boa posición e despois manter un ritmo alto. Deuse a saída coma sempre ao son dunha bomba de palenque e arranquei bastante ben, gañando postos.

Comezamos a subir cara a ponte do tren, durante a subida ía gañando postos, claramente estaba fresco e as pernas respondían perfectamente aínda que, tiña na cabeza intentar gardar algo para volver a subir, nesta primeira subida xa subín forte para non perder aos rivais de vista, nin as opcións a intentar mellorar o tempo.

Cruzamos a ponte e baixamos novamente ata Ponte Ulla. A baixada ten uns metros moi duros pero que logo suavizan e imos practicamente llaneando ata que toca volver subir. Durante este tramo xa non era quen de alcanzar a máis corredores e o obxectivo era manter posición.

Foto: Organización

Comezamos a subir unha última vez e foi como se de repente quedase sen forzas, non era capaz de subir ben e comezo a perder postos. Tiña ganas de botarme a andar porque as pernas non ían e a subida estábase facendo eterna pero por sorte so perdín un par de postos.

Foto: Organización

Recta final, mirei cara atrás e perseguíame un corredor de outra categoría polo que me relaxo un pouco xa que non aínda que perdera o posto non ía influír no meu resultado e chego a meta moi canso e coas pernas rotas do esforzo.

O resultado final foi:

Posto xeral: 15º de 146.
Posto categoría: 7º
Tempo: 15:51 min.
Ritmo: 3:58 min/km.

Os obxectivos non os cumprín xa que me quedei a 11 segundos do mellor tempo que teño nesta proba, as sensacións non foron todo o ben que me gustaría e tocou sufrir moito para chegar a meta vendo como perdía algún posto polo que toca poñerse as pilas e adestrar mellor para as próximas probas.

En canto a proba coma sempre perfecta en organización, dobre avituallamento de auga e avituallamento final, camiseta e sorteo final e todo isto coa inscrición gratuíta. Para o ano aí estarei de novo e espero chegar moito mellor para lograr os obxectivos.

🏆 Clasificación xeral homes 🏆

Nuno Costa ... 14:00
Akka Essaadaoui ... 14:10
Robertas Geralavicius ... 14:25

🏆 Clasificación xeral mulleres 🏆

Mª Jesús Gestido Rodríguez ... 16:06
Rocío Carbia Lojo ... 18:26
María Mareque Martínez ... 18:35

PD: Clasificación completa. Fotos cortesía de: Organización da carreira, familiares e amigos. Moitas gracias.

II Carreira por Parellas Carneiro ao Espeto

xullo 23, 2017
Por: IglesiasAmores
0 Comentarios

Rematada a V Carreira Carneiro ao Espeto, tiven uns 50 min. para recuperar o alento e estirar ben as pernas xa que ía participar noutra proba que se celebraba paralelamente a esta, a II Carreira por Parellas Carneiro ao Espeto. Unha proba duns 2 km aprox. nos que tiñas que correr con un compañeiro atado por unha corda e onde decido participar con Alberto Pereiras.

O obxectivo sería:

Desfrutar e pasalo ben mentres facemos unha nova modalidade de carreira.

Recupero máis ou menos, xa que a gran carreira que acababa de facer seguro que me ía pasar factura pero confiaba en que ao ser unha distancia corta non se notase moito. O compañeiro chega xusto 15 minutos antes da saída, menos mal que xa recollera os dorsais para participar.

Cando somos chamados para a saída, imos rápido xa que tiñamos que recoller a corda, mirar como nos íamos atar e intentar colocarnos adiante xa que aínda que só íamos a desfrutar e pasalo ben, había que evitar posibles tropezóns e perigos coa corda.

Tras unha conta atrás dáse comezo a proba e Alberto saíu máis rápido, a min estábame custando moito coller ritmo xa que notaba as pernas como dúas pedras nas que os músculos parecían estar de adorno e así os primeiros metros vou intentando seguir a estela de Alberto mentres íamos gañando moitos postos, adiantando por todos os lados e colocándonos en 3º lugar tras uns 600 metros de carreira, incluso nos poñemos en 2º lugar pero tras un xiro e comezar a subir nos atacan e perdemos ese posto volvendo a ser 3º.

Nese momento foi cando ao meu compañeiro lle empezou a faltar o aire e me pide que vaiamos un pouco mais tranquilos, eu xa estaba en modo competición es as pernas xa volvían a responder, non ao 100% pero para facer un bo tempo si. Relaxo o ritmo esperando que o compañeiro se recupere mentres botaba miradas cara atrás para controlar que non nos pasase ninguén máis e polo menos chegar en postos de podio.

A falta de 300 metros para a meta dígolle ao compañeiro se pode apertar un pouco que se acercaban por detrás e xa só quedaba chegar a meta, dime que si e comeza a tirar pero cruzóuseme no medio, cerrándome o paso por onde eu ía correndo. Por sorte non tropecei e conseguimos chegar a meta con un bo ritmo e mantendo a posición de podio.

O resultado final foi:

Posición xeral: 2º de 29
Posición categoría: 2º
Tempo: 6:25 min.
Ritmo: 3:11 min/km

Ao final comprobando os resultados levamos unha sorpresa, xa que nos vimos en segunda posición, tras facer unhas preguntas a un compañeiro do Atletismo Moraña da parella que quedara primeira, dinos que aos segundos se lles esquecera poñer o chip de control e por iso non saían na clasificación.

Os obxectivos máis que cumpridos, xa que ir a unha proba a desfrutar e quedar segundos non se pode dicir todos os días. O ritmo non é real xa que a proba ao final foi menos distancia sobre 1,7 km polo que sairía un ritmo de 3:46 min/km algo que me parece máis acorde.

Mágoa que tras esperar a entrega de trofeos pensado que ao ser segundos tiñamos algo non foi así xa que daban premios aos primeiros de cada categoría (home-home, home-muller e muller-muller).

PD: Clasificación completa. Fotos cortesía de Difusion para Atletismo +9 Moraña. Moitas gracias.

Campionato Galego de Cross Curto por Clubs 2017 (A Baña)

febreiro 05, 2017
Por: IglesiasAmores
0 Comentarios

Desde hoxe xa son centenario do Pinarium, esta é a miña carreira nº 100 vestindo a camiseta verde e será correndo o Campionato Galego de Cross Curto por Clubs que este ano se celebra en A Baña sobre unha distancia de 4 km e dando 3 voltas ao circuíto creado.

Os obxectivos serán: axudar ao equipo xa que imos os xustos para puntuar (4 integrantes) e hai que quedar o mellor posible para sumar os menos puntos posibles, a parte intentarei desfrutar da proba xa que cos días que levamos é moi posible que haxa zonas con bastante barro.

Unha vez que chego a A Baña e consigo aparcar, tiven que esperar no coche porque se puxo a chover pero como ía con tempo non había problema para esperar a que escampara.

Cando me atopo nas inmediacións do circuíto xa me da toda a pinta de que ía ser duro pero que non había tanto barro como pensaba.

Póñome a quecer a un ritmo un pouco alto pero é que estaba a ter frío e tiña que entrar en calor. Chegada a hora paso por cámara de chamadas e xa entramos no circuíto onde o caixón do equipo sería o número 1 na "pole position"!! 😁 Pensei que sería unha boa posición xa que tería que ir todo recto e logo xirar a esquerda pero o final ía estar equivocado.

Antes de darse a saída sacamos a foto do equipo que ía pelexar pola mellor posición posible.

Dáse a saída e dende que se deu o pistoletazo xa noto que algo non vai ben, todos os corredores saen rapidísimo e eu intento seguilos pero cando se acaba a recta de saída e hai que xirar a esquerda quedo encerrado ao ir polo interior e sigo perdendo posicións.

Tras pasar a primeira curva, o grupo comeza a estirarse e comeza a ser máis fácil correr, aínda que nas curvas era complicado porque todos buscabamos o vértice para dar a curva o mellor posible.

Esta primeira volta fun examinando o circuíto e intentando gañar posicións pero que me estaba resultando complicado non me estaba atopando nada cómodo e o ritmo que tiña a carreira era moi duro.

Na segunda volta intento apertar un pouco e vou gañando algunha posición aínda que menos das que pensaba e xa ía rebentado, levando unha respiración máis axitada do normal pero había que seguir tirando que alí ninguén se relaxaba nada.

A última volta xa a fago con cero forzas nas pernas desexando chegar a meta e poder coller aire, iso si, aínda tiven algo de forza de sprintar ao final para conserva a posición na que me atopaba.

O resultado final foi:

Posición xeral: 119º de 194.
Posición por clubs: 14º de 28
Tempo: 15:32 minutos.
Ritmo: 3:53 min/km.

Os obxectivos máis ou menos, conseguimos ser 14º por equipos que está moi ben e aínda que axudei, sei que o meu rendemento non foi o que me esperaba, xa con malas sensacións dende que se deu a saída e sentindo as pernas todo o tempo moi cansadas. Tamén dicir que o circuíto que se fixo non me favorecía nada, xa que os continuos xiros, sube e baixa seguido e as zonas de barro en subida facían que fora un percorrido duro e explosivo para xente con moita forza nas pernas e cousa que a min me falta e que estou intentando mellorar pero en un mes non se da conseguido moita mellora.

Comparando co último cross curto que fixera en Friol, onde o terreo era máis propicio para correr mellorei o tempo 19 segundos pero non a posición polo que este ano o nivel tamén era máis alto.

🏆 Clasificación xeral homes 🏆

Manuel Hurtado Sanjurjo ........... 12:32
Antonio Serrat Seoane ................ 12:38
Victor Riobo Villanueva ............. 12:54

🏆 Clasificación xeral mulleres 🏆

Ester Navarrete Santana ............. 14:32
Camila Alonso Aradas ............... 14:43
Sandra Mosquera Losada ........... 14:43

🏆 Clasificación clubs homes 🏆

S.G. Pontevedra
ADAS Proinor
CA Santiago

🏆 Clasificación clubs mulleres 🏆

ADAS Proinor
Comesaña Sporting Club
Club Atletismo Sar

PD: Clasificación completa. Fotos cortesía de RunPhotos Galicia e Koala36 Retratografía. Moitas grazas!!

V CorreSan - Monte Pedroso

setembro 18, 2016
Por: IglesiasAmores
0 Comentarios

Tocaba disputar a terceira e penúltima proba do circuíto CorreSan e para iso tivemos que desprazarme ata o Monte Pedroso, alí tiñamos que disputar a carreira que serían 4,5 km de subida constante. Este ano a carreira será máis dura comparada cos anos anteriores xa que saímos dende máis abaixo e todos xuntos, perdendo a modalidade de cronoescalada que ata agora así se fixera.
Os obxectivos será quedar o mellor posible de cara a clasificación do circuíto e intentar saír forte dende o comezo para comparar se me equivoquei de estratexia a semana pasada na Carreira de Gundián xa que as dúas carreiras son de fortes subidas e de distancias similares.
Cheguei xusto de tempo, trotei un pouco para non saír en frío e xa me coloquei na saída. Unha vez que arrancamos, comezo a gañar moitos postos a pesar de non saír como tiña pensado xa que todos saímos tranquilos e por iso estaba a gañar tantos postos no comezo da proba, ata chegar case a zona de cabeza onde decidín afrouxar un pouco e manter ritmo porque se a xente de cabeza ía tranquila por algo será.

Tras a primeira subida tocaba facer un circuíto pola Granxa do Xesto, no que subiamos e baixabamos pero sobretodo subiamos, era a única zona onde nos podíamos tomar un respiro pero no meu caso foi onde comecei a tirar de novo e a gañar posicións.
Unha vez rematada a zona da Granxa do Xesto tocaba outra vez asfalto para seguir subindo sen descanso ata as antenas onde estaba situada a meta. Esta última parte é a máis dura porque segundo vas avanzando a inclinación da subida tamén e se gastaches moitas forzas ao comezo pódelo pasar mal e perder tempo e posicións. Eu mantiven un ritmo forte pero constante cousa, que fixo que gañara algunha posición máis. A falta de 500 m mira cara atrás e vexo que me viñan recortando polo que cando noto que xa están cerca miña fago un sprint en subida que fai que gañe unha posición máis e que non me consigan adiantar.

O final acadei o posto 18° de 244 e 6° da categoría con un tempo de 20:08 que equivale a un ritmo de 4:28 min/km. Os obxectivos cumpridos xa que aínda que non saín tan forte como esperaba, foi mellor así controlando un pouco para despois poder tirar máis forte e acabar sprintando. En canto a posición moi ben recortando puntos pero polas contas que teño feitas teño practicamente imposible chegar ao podio xa que debo ir 6 e teño ao terceiro clasificado a 31 puntos, a falta dunha carreira é imposible a non ser que os que levo por diante na clasificación non corran a última proba e eu quede dos primeiros, cousa que dubido e outro dos inconvenientes é que a última proba cadra un día antes da media maratón de Pontevedra que este ano é Campionato Galego e hai que ir rebaixar a marca que teño.

En canto a carreira gustoume saír dende máis abaixo e incrementar a dureza aínda que volvería a cronoescalada xa que facía que fora unha proba única e así é unha carreira máis. A organización moi ben pero botei de menos algo sólido no avituallamento en meta.

Clasificación xeral homes:

Cristian Muíño Varela ............................ 17:57
Richard Daniel Oliva Denis ................... 18:12
Miguel Penedo Taboada ......................... 18:22

Clasificación xeral mulleres:

Aurea Retamal Muñíz ........................... 23:09
Lara Buig Fernández ............................. 23:37
María Tarrio Martínez ........................... 24:00

PD: Fotos cortesía de La Voz de Galicia. Grazas!!

XXV Carreira Popular de Gundián

setembro 11, 2016
Por: IglesiasAmores
0 Comentarios

Carreira especial a que me tocaba disputar xa que foi a primeira proba que disputei no 2013, con esta xa será a terceira participación e cumprindo 3 anos no mundo das carreiras populares, no que unha vez que empezas xa non hai marcha atrás e sempre queres máis.

Tocou desprazarse ata Ponte Ulla para disputar a XXV Carreira Popular de Gundián sobre unha distancia de 4 km aprox. O obxectivo será intentar baixar o tempo do ano pasado (15:40 min) e sobre todo desfrutar da carreira.

Nada máis cheguei fun polo dorsal e xa se respiraba gran ambiente, deume tempo a ver a saída dunha das categorías inferiores e xa me puxen a quecer. Mentres estaba no quecemento planifiquei a carreira, saír adiante para non perder moitas posicións, na primeira vez que subiamos ía intentar subir cómodo sen apertar moito gardando forzas para volver a subir de segunda.

Xa colocado na saída, lanzaron a bomba que daba o inicio da proba. Arrancaron todos bastante rápido pero eu como ía coa idea de facer unha primeira parte máis tranquila non lle din moita importancia e perdín moitos postos pero cando empezou a subida, moitos dos que comezaran moi rápido xa se empezaron a quedar e eu levando un ritmo constante comezaba a gañar postos. Cando chegamos arriba, comezo a aumentar o ritmo para ir recuperando postos.

Pasando pola ponte do tren consigo gañar un par de postos, adiantando con calma para non ter que pisar polas pedras e provocarme unha torcedura.

Agora tocaba comezar a baixar, algo que non me gusta moito e as posición que gañara na ponte volvoas a perder, llaneamos un pouco onde volvo a recuperar as posicións, facendo un esforzo que non contaba e tocaba volver a subir, a primeira das costas aínda a subín ben pero xa notando que as pernas non ían e levaba unha respiración moi axitada. Na segunda das costas xa me notei nas últimas e miraba cara atrás seguido para controlar, aínda así perdo unha posición pero eu xa non podía máis e chego a meta apertando un pouco para non perder máis posicións.

O final posto 32º de 219 e 18º da categoría, con un tempo de 16:14 min que equivale a un ritmo de 4:04 min/km. Os obxectivos ao final non os cumprín xa que me quedei a 34 segundos do tempo do ano pasado e non acabei con moi boas sensacións, moi cansado e a táctica de deixar algo para o final non valeu porque xa cheguei sen nada para volver a subir.
En canto a carreira moi ben organizada coma sempre, moita xente animando sobre todo nas zonas da costa arriba que sempre se agradecen eses animos e na zona de meta. Das carreiras das que xa quedan poucas xa que é gratis e tes de todo, avituallamento intermedio nunha proba de 4 km, avituallamento final (auga, froita e donuts), camiseta técnica, bolsa e medalla para todos os participantes.

Se todo vai ben, seguirei cumprindo anos nas carreiras populares nesta proba e comendo o polbo a feira despois para celebralo como manda a tradición.

Clasificación xeral homes:

Victor Riobo Villanueva .................... 13:18
Rubén Diz Diaz .................................. 13:21
Nuno Filipe Costa .............................. 13:31

Clasificación xeral mulleres:

Paula Mayobre González ........................... 14:57
Raquel Suarez Pedrosa .............................. 16:28
Sara Pérez Rodríguez ................................. 16:43

PD: Fotos cortesía de Runphotos Galicia. Grazas!!

II Carreira Solidaria pola Esclerose Múltiple

maio 29, 2016
Por: IglesiasAmores
0 Comentarios

Despois da experiencia de ir a SantYaGo10K sen adestrar e ver que aguantei sen molestias pero sen forzas por non adestrar, tocou poñerse ao tema e empezar a recuperar o ritmo perdido.

Tras estar adestrando toda a semana decidín participar na II Carreira Solidaria pola Esclerose Múltiple en Santiago de Compostela sobre unha distancia de 4,5 km aprox. no que se terían que dar dúas voltas a un circuíto feito practicamente pola alameda.

Os obxectivos serían gañar confianza e sensacións xa que estou correndo con moita precaución para non recaer.

Unha vez que chegamos a Santiago fomos recoller os dorsais, cambiámonos e puxémonos a quecer un pouco pola alameda mentres estaban a correr os da categoría de menores.

Unha vez listos fomos cara a saída a esperar que comezase a carreira, coloqueime adiante, detrás dos favoritos para ver si podía aguantar o ritmo.

Unha vez arrancamos sentinme ben e ía no grupo de cabeza pero só aguantei uns 300 metros, cando chegamos a primeira subida xa se empezaron a distanciar e quedei no grupo perseguidor que pouco a pouco se ía desfacendo xa fora por que uns aumentaron o ritmo e outros non o podían aguantar que era o meu caso.

Pouco a pouco fun gañando algunha posición durante a primeira volta e de sensacións ía máis ou menos, as veces notaba algo que non me gustaba pero rápido pasaba e volvía a correr ben.

A segunda volta xa foi algo peor, comecei a notar a falta de adestramento xa que só levo unha semana e empecei a perder posicións ademais algo de dor no estómago fixo tamén que baixara levemente o ritmo pero como quedaba pouco para chegar intentei aguantar como fora. Unha vez vin a meta dinme conforme co resultado e como viña algo tocado non apertei e adiantoume a primeira muller coa que fixen practicamente toda a carreira.

O final acadei o posto 28° de 305 e 4° da categoría con un tempo de 17:53 min que equivale a un ritmo de 3:58 min/km. Os obxectivos cumpridos xa que a pesar de perder posicións cara o final, noteime mellor e empezo a recuperar as boas sensacións. Sorprendeume esa 4° posición na categoría e máis cando vin os tempos porque me quedei a 5 segundos do podio pero bueno todo volverá a chegar e moi contento de que xa volvo a correr por debaixo de 4:00 min/km.

En canto a carreira para ser corta, foi dura, non sei si foi pola falta de adestramento pero a min persoalmente chegoume ben e falando en meta con outros participantes tamén lles pareceu así. O único pero que lle poño é que ao final non houbo duchas como estaban anunciadas e tivemos que volver no coche sen asearse pero bueno o importante era recadar fondos para a Asociación Compostelana de Esclerosis Múltiple.

Clasificación xeral homes:

Gustavo Rios ........................... 15:27
Amador Pena ........................... 15:29
Jose Antonio Gontan ............... 16:01

Clasificación xeral mulleres:

Tina Fernandez ...................... 17:52
Belen Bascoy ......................... 18:26
Stefanie Coutu ....................... 19:30

PD: Fotos cortesía da Asociación Compostelana de Esclerosis Múltiple. Grazas!!

Distancia	Tempo	Lugar
5K ruta	17:19	As Pontes 2023
10K ruta	34:58	Ourense 2024
21K	1:19:06	Vilagarcía 2023
42K	2:50:42	Madrid 2025

Pages

Miguel Iglesias - Trail & Run GZ

VII Carreira Solidaria pola Esclerose Múltiple

XIV Nocturna de Nadal Ferse #YoCorroPorLua

III Cross Solidario Unha Tarde con Samuel

IX CorreSan - Barrio de San Pedro

VII Carreira do Entroido

II Cross Solidario "Unha tarde con Samuel"

I Carreira Solidaria Ponte en su Piel

VII CorreSan - Barrio de San Pedro

XXVII Carreira do Gundián

II Carreira por Parellas Carneiro ao Espeto

Campionato Galego de Cross Curto por Clubs 2017 (A Baña)

V CorreSan - Monte Pedroso

XXV Carreira Popular de Gundián

II Carreira Solidaria pola Esclerose Múltiple

Sobre min

Empecei no mundo do atletismo no 2013 e dende aquelas non podo deixar de correr.
Federado co Club Deportivo Brión

Redes Sociais

Marcas homologadas

Entradas populares

Páxinas de interese

Distancias

Concellos de A Coruña

Concellos de Pontevedra

Concellos de Ourense

Concellos de Lugo

Nacional

Internacional

Sígueme

¡Contacta!

Pages

Sobre min

Empecei no mundo do atletismo no 2013 e dende aquelas non podo deixar de correr.Federado co Club Deportivo Brión

Redes Sociais

Marcas homologadas

Entradas populares

Páxinas de interese

Distancias

Concellos de A Coruña

Concellos de Pontevedra

Concellos de Ourense

Concellos de Lugo

Nacional

Internacional

Sígueme

¡Contacta!

Empecei no mundo do atletismo no 2013 e dende aquelas non podo deixar de correr.
Federado co Club Deportivo Brión