Miguel Iglesias - Trail & Run GZ

Moi semellante ao percorrido do trail curto con variacións para que fora máis sinxelo poder andar. Saída dende o Parque da Horta do Muiño e a diferenza do trail nos imos subindo por camiños máis practicables evitando así os cortalumes. Xa na cima, unha mágoa a néboa que nos privou das vistas e  baixada técnica xa que estaba todo moi enlamado e era moi fácil esvarar e baixar arrastras. Dende o avituallamento imos por camiños separados do trail ata os últimos 2Km pegados ao Rio Tins e xa ata meta.

✅ PUNTOS POSITIVOS ✅ 

❌ PUNTOS A MELLORAR ❌

🏁 PERCORRIDO 🏁

O percorrido debido a un grave erro, foron 8,3 Km xa que non fixemos unha parte do percorrido e todos fixemos o mesmo percorrido incluído os que estaban na proba de 5Km. Este ano cambiou o lugar da saída e arrancamos dende a praia para min todo un acerto, despois foi ao revés que os últimos anos que participara xa que a parte de monte que sempre a facíamos baixando desta vez tocou subir e aí xa non me gustou tanto prefería baixar esa parte e subir por asfalto pero sigue mantendo a esencia con subidas duras e baixadas polos camiños de terra.

✅ PUNTOS POSITIVOS ✅ 

❌ PUNTOS A MELLORAR ❌

🏆 Clasificación xeral homes 🏆

Cheguei ben de tempo xa que non sabía moi ben onde era o lugar da saída pero ao final non tiña moita perdida. Tras recoller o dorsal e como aínda faltaba un pouco para poñerse a quecer esperei no coche xa que facía algo de frío para acabar de cambiarse. Chegada a hora, acabei de prepararme e púxenme a quentar un pouco mentres falaba cos compañeiros de carreira que tamén ían disputar a proba.

Cando faltaban 5 min. para o comezo, coloqueime na saída un pouco máis atrasado do normal xa que non levaba a idea de competir ao 100% senón que sería máis un adestramento de cara o obxectivo de dentro de dúas semanas. Tras anunciar que o percorrido sufrira unha modificación e que agora a distancia sería duns 14Km fixeron a conta atrás e deu comezo a proba.

Saín tranquilo e con precaución aínda así, ao saír máis atrasado nos primeiros metros xa fun gañando postos. Os primeiros 300m. foron por asfalto, que permitiu estirar o grupo. Logo xiraríamos a esquerda para comezar a subir xa por monte. De momento ía a ritmo cómodo e sin forzar moito aínda así, fun gañando algún posto.

Os dous primeiros km's foron de subida con un respiro no medio que para ir entrando en materia estiveron ben. A partir de aí cerca de 800 m. de baixada técnica preto do rio, que non me gusta nada pero estivo entretida intentando seguir ao corredor de adiante xa que esta parte a min sempre se me deu mal. Nesta zona por ir en persecución non me fixei nunha rama e levei un forte golpe no brazo.

Agora tocaría facer o duro da proba e é que xa comezabamos a subir cara o Tremuzo dende o km 2,8 ata o km 4,6 de subida forte das que case é mellor subir a gatas incluso rematando con un pouco de escalada entre pedras. A subida parecía interminable entre árbores que daba a sensación de estar na selva pero creo que ao estar ao "comezo" e como tiñamos forzas, aínda se ía levando ben.

Foto: Hugo García

Remata esa subida veu unha pequena baixada para estirar as pernas e onde me vin obrigado a ir máis paseniño para poder contemplar as vistas que dende alí se podían observar da Ría de Muros e Noia. Este descanso foi pequeno e outra vez para arriba. Había que chegar ao punto máis alto da proba no Tremuzo. A subida xa sen árbores e todo despexado podía dividirse en dous tramos unha un pouco máis fácil de subida constante e unha segunda técnica onde case me facía falta levar unha mochila con aparellos de escalada para ir polas pedras pero onde se podían observar unhas boas vistas. A verdade é que daban ganas de parar e de deleitarse das grandes vistas. Igual os eólicos sobran da paisaxe pero é o que hai...

Tras rematar esta subida, km 6, comezabamos a baixar. Xa tiña ganas de sentir un pouco a velocidade polo que a partir de aí puido ser que empezara a competir máis en serio pero sen forzar máis da conta. Foron 2 km de baixada con algunha zona técnica e outra onde ía rezando para ir pisando ben e poder frear ao acabar a baixada xa que por momentos embalaba demasiado e non sabía como ía frear.

Xa no Km 8 veu unha pequena subida de preto de 1 Km para coller aire de tanta baixada e recuperar un pouco as pernas para seguir baixando xa practicamente ata o km 11. Esta segunda baixada posiblemente foi máis técnica e menos rápida xa que tiña moita pedra e unha zona onde baixaba auga polo que había pedras soltas e algunha podía ser que estivese esvaradía.

Dende o km 11 xa só quedaba unha subida e baixar ata meta, fisicamente seguía ben xa que ao ir sen forzar tiña reservada algo de forzas para esta parte final, incluso cando chegamos a unhas casas onde había uns señores vendo a proba me deu tempo de darlles os bos días, a educación vai primeiro e incluso pensei en parar a ver se tiñan algo de comer porque nese punto xa levaba fame...

A partir de aí pasou algo estraño xa que comecei a adiantar xente que levaba un ritmo máis tranquilo incluso se me pasou pola cabeza se había andaina porque estaba adiantando corredores que a min non me adiantaran en carreira, incluso algunha muller que dende a saída xa quedaran por detrás miña. Polo que xa supuxen que algo pasara e que posiblemente nalgún cruce ou algunha marca mal posta se equivocaron e recortaron algún tramo do percorrido.

Así dándolle voltas ao que puido haber pasado e intentado recuperar eses "postos perdidos" encarei a última baixada que nos deixaba a 100 m. da meta. 

O resultado final foi:

🏆 Clasificación xeral homes 🏆

Cheguei a Broña co tempo suficiente para ir recoller o dorsal, cambiarme e poñerme a quecer un pouco con Javier, ex compañeiro de equipo. 

Coloqueime adiante de todo para saír forte dende o comezo da proba, xa que ao principio íamos por un paseo estreito e quería estar ben colocado para non ter que remontar moito despois. Tras unha conta atrás deuse a saída.

Foto: Jesús Bernal

Arranquei bastante ben, sen perder moitas posicións e polo zona do paseo fun conservando o posto. Había un inconveniente ao ir tan adiantado xa que estabamos correndo os que íamos facer 5,5 km e os de 10 Km xuntos e non sabía que ritmo ir, nin quen podían ser os rivais aos que seguir, polo que cada vez que tiña a oportunidade de gañar un posto non dubidaba en facelo e a polo seguinte.

Tras o primeiro tramo de paseo desviámonos cara unha pendente de terra onde seguín gañando algún posto e volvemos cara o paseo anterior para pasar pola zona de meta pero sen cruzala xa que collemos outra parte do paseo que era máis estreita que a primeira ata que saímos a estrada para ir alternando asfalto e camiños de terra.

No paso por meta, km 5,5, marco un tempo de 20:33 minutos que supoñía ir a un ritmo medio de 3:44 min/km, bastante ben xa que eran 18 segundo menos que o ano pasado. 

Tocaba facer o último tramo da proba que seguramente sexa o máis duro pero máis entretido xa que sobre o km 6 comezaba unha subida por terra constante ata o km 7 onde remataba en cemento e que che desfacía as pernas. Nese punto perdín dous postos que non fun capaz de recuperar xa que me custou moito recuperar da subida.

Tras a subida, tocaba un tramo de baixada por monte, a zona máis divertida (que ganas teño de volver a facer un trail...) onde pouco a pouco vou perdendo de vista aos dous corredores que me adiantaron. Eu xa comecei a controlar aos perseguidores que de momento non se vía ninguén preto ata entorno ao km 9 onde vín que xa tiña un par de corredores que viñan forte e comezo a tirar de novo xa sen mirar atrás dando todo o que me quedaba porque non quería perder máis postos.

Último tramo pola praia, ía buscando a area máis dura para que me fora máis cómodo correr pero era complicado e iso que non peso moito pero enterrábame seguido, tiramos cara meta onde para saír da praia temos que subir un par de escaleiras e xa estaba aí a meta onde cheguei moi canso pero satisfeito xa que escoitara por megafonía o posto final.

🏆 Clasificación xeral mulleres 🏆

PD: Clasificación completa.

Unha vez cheguei a Praia de Broña, fun recoller o dorsal e facer tempo para poñerme a quecer mentres saudaba a compañeiros das carreiras. A falta de 20 min. para a saída vou trotar un pouco para non saír en frío. Tras un atraso duns 10 min. fomos chamados para a saída, onde me coloquei na zona dianteira xa que a miña intención era de tirar forte dende o comezo.  

Deuse a saída e como non vou perdendo posicións (teño que aprender a saír). Tras uns 150 metros comecei a remontar aínda que pouco a pouco, xa que íamos por un paseo pegados a costa e non había moito espazo. De repente fixemos un xiro a dereita, onde comezabamos a subir unha pequena pendente xa por camiño de terra e pedras onde si que puiden gañar moitos postos e xa íamos no km 1.

Tras a subida tocaba baixar por un pista de terra que nos levaría de novo ao lugar da saída pero sen cruzar a meta. Seguimos recto collendo outra parte do paseo que era incluso máis estreito e con un mínimo despiste podíamos acabar no mar. Ata que saímos ao asfalto onde comecei a marcar un ritmo forte e constante onde pouco a pouco ía gañando postos e deixando aos rivais atrás.

Chegamos ao paso por meta onde os que estaban anotados a carreira de 5,5 Km paraban de correr e os demais tiñamos que seguir para buscar a dureza desta proba (km 6 aprox.). Neste punto marquei un tempo de 20:51 min que equivale un ritmo de 3:47 min/km.

Tras o paso por meta, pensei que íamos facer case o mesmo camiño que antes pero estaba equivocado, cando collemos o paseo, rápido nos desvían e comezamos unha longa subida de 1 Km aprox. (dende o Km 6 ata o 7). Nesta subida vía a un corredor por adiante que intentaba darlle caza pero como non sabía moi ben o que nos esperaba decido gardar un pouco. A subida era por terra ata que de repente chegamos o cemento. Isto recordoume aos portos de montaña na Vuelta a España, onde hai cemento rallado para que os coches non patinen debido a súa inclinación. 

Acabo de subir roto, cústame un pouco recuperar o ritmo xa que notaba as pernas como pedras debido ao esforzo da subida. Agora tocaba baixar e como esta carreira tiña que ter de todo a baixada era máis parecida a un trail que outra cousa. Ía saltado de pedra en pedra, de raíz en raíz e evitando todo o que podía as pedras soltas. A baixada tiña o seu punto de técnica xa que había que ir rápido.

Acabando de baixar chegamos de novo a correr pegados a costa todo polo paseo, onde xa non vía ao corredor que levaba por diante e xa comecei a pensar no que viña por detrás pero tras varias miradas vin que por alí non viña ninguén, aínda así fun apertando todo o tempo, sobre todo cando a falta de 300 metros para a meta nos desvían cara a praia e temos que correr pola area, que duro se fixo ese tramo e non eran máis que 200 metros e para rematar antes de chegar a meta, subimos as escaleiras a lo Rocky e crucei a liña de meta, cansado pero contento co rendemento e as sensacións. 

Os obxectivos máis que cumpridos, non contaba con chegar ata o podio despois de correr onte pero o rendemento acadado foi moi bo e desfrutei moito desta proba xa que ten de todo e un percorrido moi bonito para correr aínda que con algunha zona dura e técnica pero que espero repetir nas próximas edicións. A maiores había un taller RCP/DESA durante toda a mañá para quenes quixesen aprender.