Campionato Galego de Media Maratón 2024 (Vilagarcía de Arousa)

Tocou participar no Campionato Galego de Media Maratón que este ano volvía a ter como sede Vilagarcía de Arousa. Un percorrido completamente chan e moi propicio para acadar grandes tempos pero que este ano se vería truncado por ter que correr en alerta por vento facendo moi complicado correr e intentar mellorar marcas.

O obxectivo sería:

  • Mellorar a marca que teño de 1h 19' 06'' e de sentirme ben, intentar correr entorno a 3:40 que sería un tempo de 1h 17' (obxectivos cancelados polo forte vento).

🏆 O MEU RESULTADO 🏆
  • Posto xeral: 59º de 267.
  • Posto categoría: 16º
  • Tempo: 1h 23' 40''
  • Ritmo: 3:56 min/km
🏁 PERCORRIDO 🏁

O percorrido o mesmo que o ano pasado pero de forma correcta. Primeiro damos unha volta pequena e logo dúas voltas grandes nas que iríamos rumbo a Carril e logo ata Vilaxoán. Cun terreo completamente chan pero con dous cambios de sentido que rompen un pouco o ritmo.

Cunha distancia polo reloxo de 21,3Km 

✅ PUNTOS POSITIVOS ✅ 
  • Boa información sobre carreira.
  • Zona para aparcar ao carón da saída.
  • Recollida de dorsais o día previo ou o mesmo día e separada por nº de dorsal axilizando o proceso.
  • Servizo de gardarroupas.
  • Avituallamentos intermedios con auga.
  • Avituallamento final completo e xa en bolsas individuais.
  • Duchas ao carón da meta.
  • Agasallo dunha camiseta.
❌ PUNTOS A MELLORAR ❌
  • Faltou un comunicado oficial de si se ía realizar a proba ou non xa que se suspenderon varias probas polo temporal de vento e ata o último momento estiven mirando a páxina da federación e a do concello de Vilagarcía por si había algún comunicado ao respecto. Non sei de quen era a responsabilidade de suspender a proba pero a miña opinión é que se tiña que haber suspendido. As condicións co vento que había facían moi complicado correr e sendo un campionato onde case todos os atletas imos buscar mellorar os nosos tempos e quedar o mellor posible no campionato non era nada lóxico levar adiante a proba. Eu fun porque de non ir e estar inscrito no campionato pois habería unha sanción ao club. Se chego a estar só inscrito na proba popular seguramente houbese quedado na casa. Remata a proba sobre as 14:30h a Xunta mandou un comunicado onde obrigaba as federacións a suspender as actividades ao aire libre, comunicado que para min o tiñan que haber mandado xa para todo o día.
🏆 Clasificación xeral homes 🏆
  1. Manuel Lorenzo López ... 1h 11' 10''
  2. Marcos Oro Vence ... 1h 12' 35''
  3. Alvaro Prieto Fervenza ... 1h 13' 22''
🏆 Clasificación xeral mulleres 🏆
  1. Itziar Manso Heras ... 1h 23' 23''
  2. Sara Castillo Oñate ... 1h 23' 43''
  3. Patricia Varela Santiso ... 1h 25' 15''
Pd.: Clasificación completa. Moitas grazas por pasarte e vémonos nas carreiras. ✌️

  • #
  • #
  • #
  • #

    • Comparte esta historia

    Tamén che pode gustar:

    0 comments

    Sígueme
    ¡Contacta!