Miguel Iglesias - Trail & Run GZ

O resultado final foi:

O obxectivo cumprido xa que se desfrutou de un gran trail e as vistas foron espectaculares correndo entre os viñedos da Ribeira Sacra e os canóns do Miño pero as sensacións non acompañaron e notouse que viña de correr uns días antes.

🏆 Clasificación Xeral Mulleres 🏆

Cheguei a Chantada con tempo xa que non tiña nin idea de onde ía aparcar, por sorte había un sitio esperándome e non tiven que dar voltas. Fun recoller o dorsal pero tiven que preguntar onde os daban porque estaba perdidísimo, non sabía nin cara onde tirar...

Xa co dorsal, acabei de cambiarme e fun cara a zona da saída a esperar que chegase a hora de poñerse a quecer un pouco aínda que moito non facía falta xa que estaba facendo bastante calor. Así a falta de 40 min. comezo a trotar un pouco para ir espertando as pernas xa que durante esa semana non puiden adestrar e non sabía como ían responder. 

Restaban 5 minutos cando me fun achegando a zona da saída cando un dos corredores me preguntou canto tempo tiña nos 10K. Nese momento xa imaxinei porque mo preguntaba porque non é a primeira vez que me pasa.

Coloqueime moi adiante máis ou menos na segunda fila xa que a saída era complicada porque era un lugar estreito, en baixada e era unha rúa empedrada polo que para evitar problemas xa me coloquei adiante. Así tras unha conta atrás deu comezo a proba.

Arranquei sen moitas complicación e rápido fun atopando espazos para pasar esa primeira parte de baixada sen apuros. Tras a baixada íamos polas rúas do centro de Chantada en leve subida. Eu estaba entre perdendo e recuperando postos pero non lle daba moita importancia aos postos perdidos xa que ao saír os dos 5K tamén non sabía ben en que proba estaban competindo. Puxen velocidade de cruceiro e dende o Km 1,5 cando nos adentramos no paseo ao carón do Rio Asma comezo pouco a pouco a gañar postos. Chegando ao Km 2 había que dar volta e volver por onde viñemos polo que podía saber máis ou menos en que posto estaba pero non din contado... Seguimos polo paseo ata o Km 3,3 onde collemos un tramo de asfalto duns 150m aprox. para volver a meternos no paseo. 

Foto: Sé Senande

O percorrido estaba sendo bonito por esta zona e o que máis se agradecía eran as sombras que había. Deixamos o paseo no Km 4,2 e poñemos rumbo ao centro de Chantada cunha subida non forte pero constante na que xa fun pensando que ía sufrir na segunda das voltas. Tras un xiro a dereita, rúa empedrada e recta de meta para rematar a primeira das voltas. Polo paso por meta fago un tempo de 18:00 min. e ía en persecución de outro corredor. Nese punto tamén estaba o avituallamento intermedio do cal creo que é a primeira vez este ano que collo o botellín de auga. Facía tanta calor que necesitaba refrescarme polo que o primeiro que fixen foi tirarme a metade da botella pola cabeza e o logo funlle dando pequenos sorbos para hidratar un pouco.

Foto: Sé Senande

No Km 5,7 consigo gañar un posto máis e pouco a pouco fun deixando ese corredor atrás, por adiante estaban moi lonxe case non vía a ningún corredor polos xiros. Ao chegar a zona do paseo o cansancio xa comeza a ser notable e incluso tiña unha dor no abdome que me estaba molestando para respirar ben. Facemos o xiro onde na primeira volta intentei saber o posto no que ía e... ¡SORPRESA! estaba no terceiro lugar da xeral. Nese momento xa me puxen nervioso e intentei forzar máis para polo menos, conservar o posto xa que uns metros antes estaba pensando en deixarme caer porque ía bastante afogado.

Foto: Segundo Navaza Blanco

Comecei a forzar e non quería mirar moito para atrás para centrarme só en seguir tirando aínda que tiña un certa distancia, conque se me foran un pouco as forzas creo que me podían alcanzar. Durante o segundo tramo de paseo despois do asfalto intentei recuperar un pouco o alento para cando chegásemos a zona novamente de asfalto onde íamos encarar xa o último Km. Aí dar todo o que me quedase nas pernas e rematar a zona empedrada que era en baixada o máis rápido que puidese. Iso foi o que fixen e tras unha mirada atrás antes de encarar a zona empedrada xa tiña o terceiro posto asegurado porque a distancia co 4º clasificado mantíñase e conseguín chegar a meta nun sorprendente posto co que non contaba para nada.  

O resultado final foi:

Foto: Lucía Peón

O obxectivo máis que cumprido xa que conseguín un 3º posto absoluto co que non contaba e as sensacións foron moi boas a pesar de facer os últimos 4 Km con esa molestia no abdome que non me deixaba respirar ben. Nótase que corro mellor cando as temperaturas son un pouco máis elevadas do normal xa que teño marcas noutras probas onde teño o mellor tempo con 30ºC e cando o tempo estaba máis propicio para correr non ser quen de achegarme a esa marca. 

🏆 Clasificación xeral mulleres 🏆