IV Trail Cova da Bruxa

Último trail, antes de poñerme a tope coa preparación da maratón. Para iso despraceime ata Muros onde se ía disputar o Trail Cova da Bruxa sobre unha distancia de 23Km e 1500m+. Proba que xa fixera no 2023 e que me gustara pese a non ter un bo día climatolóxico e non poder desfrutar das vistas.


🏆 O MEU RESULTADO 🏆
  • Posto xeral: 53º de 184.
  • Posto categoría: 5º
  • Tempo: 2h 40' 20''
  • Ritmo: 7:23 min/km
🏁 PERCORRIDO 🏁

O percorrido gustoume bastante e tiña de todo para non aburrirte en ningún momento. Unha primeira parte rápida para estirar o grupo de corredores aínda que ao chegar a unha escaleiras se fixo algo de tapón. Subidas que permitían correr e outras nas que era imposible como os cortalumes que pasamos. Vistas espectaculares de toda a ría. A zona de monte onde estaban as cordas unha pasada. Baixadas algunha técnica por haber pedras soltas pero outras moi rápidas como me gustan a min entre as arbores e sobre terra seca. Unha última parte onde se podía correr bastante cunha zona técnica pegados ao río o cal temos que cruzar e esa sorpresa final con todo ese barrizal antes de chegar a meta.

Cunha distancia polo reloxo de 21,7Km 

✅ PUNTOS POSITIVOS ✅ 
  • Boa información da carreira.
  • Varias distancias para o trail de 23K, 15K ou 10K. Tamén hai andaina de 10K e distancias para os cativos.
  • Varias zonas para aparcar.
  • Recollida de dorsais o día previo ou o mesmo día.
  • Servizo de gardarroupas.
  • Localización e entorno moi chulo, con moi boas vistas durante o percorrido.
  • Boa marcaxe do percorrido e marcaxe dalgún segmento de Strava.
  • Animación durante a proba coas bruxas.
  • 3 avituallamentos intermedios completos.
  • Avituallamento final moi completo, incluso creo que en exceso
  • 2 zonas de duchas. Unha na zona de meta e outra a 800m onde aseguraban auga quente.
  • Premios non acumulativos.
  • Agasallo dunha bolsa, mapa turístico do concello, mostra de crema antiflamatoria, camiseta e cartel da próxima proba que organizan.
❌ PUNTOS A MELLORAR ❌
  • As colas que se formaron para poder acceder a mangueira para quitar o barro das zapatillas tras pasar pola ciénaga de los muertos e tamén para acceder ao avituallamento final.
🏆 Clasificación xeral homes 🏆
  1. Pablo Vecino Rey ... 2h 04' 02''
  2. Andrés Flórez Pérez ... 2h 08' 40''
  3. Marcos A. Pascual Fidalgo ... 2h 11' 50''
🏆 Clasificación xeral mulleres 🏆
  1. Alba Rey Penelas ... 2h 43' 42''
  2. Patricia Noya Rodríguez ... 2h 45' 13''
  3. Mª del Rosario Figueroa Figueroa ... 2h 48' 58''
Pd.: Clasificación completa. Moitas grazas por pasarte e vémonos nas carreiras. ✌️

  • #
  • #
  • #

    • Comparte esta historia

    Tamén che pode gustar:

    0 comments

    Sígueme
    ¡Contacta!