Campionato Galego de Trail 2025 (Caldas de Reis)

marzo 16, 2025
Por: IglesiasAmores
0 Comentarios

Regreso tras 5 semanas de descanso obrigado xa que o golpe que levara na Fonsagrada resultou ser unha fisura na costela que me obrigou a parar de todo para poder recuperar ben. Tocou desprazarse ata Caldas de Reis por primeira vez e nada máis e nada menos que para disputar un Campionato Galego que neste caso ía ser o Campionato de Trail Running sobre unha distancia de 28K e uns 1700m+.

O obxectivo:

Simplemente desfrutar e volver enteiro xa que ando coa preparación da Maratón de Madrid que é o obxectivo principal deste ano.

🏆 O MEU RESULTADO 🏆

Posto xeral: 34º de 95.
Posto categoría: 5º
Tempo: 3h 17' 37''
Ritmo: 6:56 min/km

🏁 PERCORRIDO 🏁

O percorrido saía dende o centro de Caldas con bastante asfalto na saída e poñendo rumbo ao Monte Xiabre para encarar a primeira subida por un longo cortalumes ata o Km 8. Tras subir tocou baixar por unha zona con pedras soltas bastante técnica, logo algo máis corrible e outra vez algo de técnica. Comezamos a subir novamente o Xiabre pero con algun tramo de baixada polo medio ata que nos poñemos a subir sen descanso ata o Km 15,5. Longa baixada rápida por terra no medio de toda a baixada cruzamos pola Fervenza Fridauga. Volta a subir ao Xiabre por outra zona ata o Km 20 e dende aí a baixar polo mesmo sitio que a fixemos na primeira subida pero agora poñendo rumbo a meta situada na Praza do Camiño Portugués.

Cunha distancia polo reloxo de 28,5Km

✅ PUNTOS POSITIVOS ✅

Boa información da carreira e guía do corredor con toda a información necesaria.
Varias distancias en trail de 28K, 16K ou 8K e andaina de 12K.
Varias zonas para aparcar.
Recollida de dorsais o día previo ou o mesmo día.
Retransmisión en directo da proba (aínda que non sei se a houbo ao final).
Boa marcaxe do percorrido.
4 avituallamentos intermedios (2 completos e 2 líquidos).
Duchas no polideportivo a uns 800m da meta.
Comida final con callos.
Os premios non eran acumulativos.
Agasallo duns manguitos e se non me equivoco só para a distancia longa para o resto de distancias creo que daban unha camiseta.
Sorteo entre os asistentes a entrega de premios.

❌ PUNTOS A MELLORAR ❌

Localización, entorno e percorrido mellorable, polo que vin as outras distancias, que ían por outro monte, o percorrido parecía máis entretido e máis agradable visualmente.
Os avituallamentos tanto intermedio como final bastante xustos comparados con calquera outro trail. Por exemplo no avituallamento final, cando cheguei había auga e plátano e cando marchaba para as duchas chegaba o isotónico e a laranxa. Foi un avituallamento final por tramos de tempo.

🏆 Clasificación xeral homes 🏆