II Carreira Nocturna SantYaGo10K

Pois aquí estou de volta, despois da última carreira xa fai 2 meses e nos que comezara a prepararme para correr a Wings For Life World Run en Valencia a unhas semanas antes, unha nova lesión no xeonllo afástame de participar nesta carreira e decido darlle repouso absoluto as pernas para que recuperasen ben. 
Tras mes e medio de repouso decido participar na II Carreira Nocturna SantYaGo 10K xunto con dous amigos aínda que ao final só ven un porque o outro sufriu unha lesión no xeonllo xogando ao fútbol e non pode correr. 
Os obxectivos para a carreira serían rematar e comprobar as sensación despois de tanto tempo sen correr, xa que vou sen adestrar nada. 
Noite chuviosa en Santiago, coma sempre, que ía facer máis dura a carreira e sobre un circuíto que cambiaba respecto ao do ano pasado e que parecía máis duro. 
Unha vez chegamos a Santiago, cambiámonos e puxémonos a quecer, tranquilamente estivemos trotando 4km pero facía boa falta que as pernas se foran acordando a sufrir.
Tras o quecemento fomos cara a saída para irnos colocando nos caixóns, a miña idea era poñerme no meu (caixón 1) na parte de atrás, xa que os de adiante ían saír como avións pero cando cheguei xa non daba ido moito cara atrás e quedei situado demasiado adiante para a idea de ritmo que levaba.


Unha vez se deu a saída xa vin como todos me comezaban a pasar e eu intento manterlles o ritmo pero xa noto algo que non me deixa aguantar ese ritmo polo que desisto e sigo un ritmo propio mentres vou perdendo posicións continuamente. 
Ao paso polo punto de control do km 2,5 marco un tempo de 10:20 min que equivale a un ritmo de 4:08 min/km, nada mal para o tempo que estiven sen correr. Na subida da Rúa dos Castiñeiros (km 3,5) xa comecei a notarme cansado e que as pernas non respondían pero bueno había que seguir que aquelo aínda estaba comezando e quedaba moita carreira.
Agora tocaba baixar cara a Rúa das Galeras para logo subir a costa máis longa na Rúa do Pombal que aínda fun subindo ben pero sen forzas nas pernas (como se notaba non ter adestrado), así ao chegar a alameda onde estaba o km 5 marco un tempo de 21:50 min que equivale a un ritmo de 4:22 min/km, cada vez máis lento e o peor viña agora. 
A partir do km 6 comézame a dar flato e teño que baixar máis o ritmo e ir apartado do resto dos participantes para non estorbar moito, xa que me estaban a adiantar por todos os lados, a altura da Plaza de Galicia o xemelgo esquerdo faime o amago de querer agarrotárseme e é cando comezo a pensar en abandonar a carreira. Esta idea acompañarame o resto de carreira. 
Aínda quedaba unha pequena subida na Rúa das Rodas (km 7,5 aprox.) e entre que ía sen forza ningunha, o flato e o medo a que se me agarrotase o xemelgo, practicamente a subín andando.


Xa só faltaban 2 km pola zona vella para a meta pero a idea de abandonar cada vez era máis grande, ver como non podía facer nada mentres todos me adiantaban non me gustaba nada pero había que seguir xa que o obxectivo era rematar e outra das ideas que teño é rematar todas as carreiras que faga, así sexa andando.


Todo o percorrido pola zona vella fun apartándome da trazada dos demais participantes para non molestar xa que ía moi despacio ata que chego a Praza da Pratería e sei que por fin estou chegando e xa só quedan uns metros.


Os últimos 5km fíxenos nun tempo de 26:07 min, 4:43 min máis que os primeiros que supoñen un ritmo de 5:13 min/km. 
O final posto 525º de 1587 e 146º da categoría, con un tempo de 47:59 min (11 minutos máis que miña MMP) que equivalen a un ritmo de 4:48 min/km. Os obxectivos máis ou menos, acabei a carreira pero as sensación non foron moi boas aínda que era de esperar xa que despois de 2 meses sen correr intentar facer unha carreira decente e ter boas sensación é moi complicado, así é que agora teño unha agujetas que case non me deixan andar. Espero que a partir de agora poida comezar a adestrar e pouco a pouco volver aos meus ritmos de antes.


En canto ao circuíto moito máis duro que o ano pasado no que non vale moito para buscar MMP pero si para coñecer Santiago e desfrutar. Unha pena que chovera e quedara un pouco deslucida. A organización moi ben salvo ao final que se fixeron aglomeracións para o avituallamento final que se podería solventar facendo máis filas para recoller o avituallamento pero quitando iso todo perfecto.
Agora a adestrar que me fai boa falta!

Clasificación xeral homes:
  1. Hassan Lekhili ............. 32:29
  2. Alejandro Rivera ......... 33:02
  3. Amador Pena ............... 34:26
Clasificación xeral mulleres:
  1. Sandra Mosquera .................... 37:29
  2. Mª Yolanda Gutiérrez ............. 39:37
  3. Tina Fernandez ....................... 41:12
PD: Fotos cortesía de FotoForum Compostela. Grazas!!

  • #
  • #
  • #

    • Comparte esta historia

    Tamén che pode gustar:

    0 comments

    Sígueme
    ¡Contacta!