Cheguei a Lalín cedo xa que tiña que recoller a roupa do equipo, agora xa estou uniformado. Como aínda quedaba tempo fun tranquilo recoller o dorsal e alí xa fun saudando a compañeiros de carreira. Logo volvín ata o coche para acabar de cambiarme e volver para a zona de saída xa quecendo. Tras uns 20 min. quentando voume achegando ao arco de saída buscando unha boa posición, aínda que como a saída era conxunta cos que ían facer 5K, quedeime un pouco máis atrás para non estorbar moito xa que en principio estes irían máis rápido. Así tras unha conta atrás arrancou a proba.

Foto: Fernando Alva

Non arranquei moi ben e non atopaba moito sitio por onde gañar postos durante os primeiros 200m. despois a cousa cambiou e xa era máis fácil recuperar. O ritmo estaba sendo bastante bo e o pescozo non me estaba molestando polo que todo tiña boa pinta.

Foto: Photoerikactivo Cuba

Comecei unha remontada que duraría ata o Km 5 ata aí todo foi ben gañando postos e mantendo un ritmo medio de 3:38 min/km axudado polo terreo favorable que ata ese punto había pero a partir de aí todo foi a peor. Cada Km que pasaba era máis lento que o anterior, moitos dos postos recuperados funos perdendo sin ser quen de facer nada. Xa non tiña forzas e aínda quedaba moita carreira por diante, a máis dura, xa que había varias pendentes fortes.

Foto: VII Legio Gemina

Xusto antes de saír do paseo do pontiñas Km 7,8 onde comezaban as pendentes máis duras, dábame a sensación de ir parado e así fun practicamente todo o que me quedaba de carreira.

Foto: Photoerikactivo Cuba

Xa no último xiro encarando a longa recta de meta pasóuseme pola cabeza que non ía dar chegado xa que me comecei a sentir algo mareado polo que tiven que deixarme ir e non puiden apertar nada. Nesta recta perdo outro posto pero eu xa non podía máis e tiña medo de que o mareo fse a máis. Así chego a meta coas forzas xustas e quedándome claro que non foi un bo día.

Foto: Fernando Alva

O resultado final foi:

🏆 Clasificación xeral homes 🏆