Cheguei ben de tempo pero polo visto todos foron con tempo xa que case non atopo onde aparcar. Tras conseguir aparcar, fun recoller o dorsal, volvín para acabar de cambiarme e xa me puxen a quecer. Aínda faltaba para o comezo da proba pero o día estaba ventoso e algo frío polo que mellor estar en movemento. Cando restaban 5 min. funme achegando a liña de saída para coller un bo sitio e alí esperei a que dera comezo a proba que arrancou tras unha conta atrás.

O que pensei que era un bo sitio non o foi tanto xa que arranquei con moitos atrancos e con algún tropezo no que case vou o chan por sorte non pasou nada. Pasados os primeiros 200m. xa se comezou a estirar o grupo de corredores e xa comecei a recuperar postos pero pouco a pouco porque seguía sen haber moito sitio. Así fun ata o Km 1,5 onde por fin puiden marcar o meu ritmo. O bo de que nesta parte do percorrido non conseguise recuperar todos os postos que quixese foi que fun protexido do vento en contra que facía dirección Pontecesures.

Tras dar a volta e poñer rumbo cara Padrón o vento estaba a favor e literalmente íase voando. Isto fixo que recuperase un gran número de postos e que marcase uns ritmos moi bos. Así completo a primeira das voltas marcando un tempo de 18:07 min. que supoñía un ritmo de 3:37 min/km.

Arranquei a segunda volta co mesmo ritmo e coa intención de seguir recuperando pero non contaba co forte vento que facía. Na primeira volta ao ir en grupo apenas se notou pero nesta segunda volta estaba indo só e había algunha racha de vento que pensaba que ía tirar comigo. Isto fixo que tivese que gastar máis forzas para seguir avanzando contra o vento. Ata que alcancei a un compañeiro de equipo e imos xuntos dende un pouco antes de facer o xiro para volver cara Padrón.

Tras o xiro o vento estaba a favor o que axuda a non perder moito ritmo. Eu xa ía coas forzas xustas e vou perdendo algún posto, mentres seguía co compañeiro de equipo.

Na longa recta de meta o compañeiro de equipo comeza a tirar máis forte o que lle permite gañar un par de postos, eu xa estaba no límite e entre que unha parte da recta de meta é por adoquines os cales odio correr, intento manter o ritmo e conservar o posto. Por detrás non había moito perigo polo que aínda que aperto un pouco consigo chegar a meta mantendo o posto e satisfeito co resultado.

O resultado final foi:

Foto: Organización

🏆 Clasificación xeral homes 🏆