Ao ser a segunda proba do circuíto, xa tiña o dorsal para a carreira. Cheguei a Riveira algo máis tarde e tiven que buscar outro sitio onde aparcar ao que habitualmente ía, porque xa tiñan a calle xa cortada. Tras conseguir aparcar, fun recoller a camiseta que daban de agasallo, estiven a piques de pasar dela porque na cola que había para os que pertencían ao circuíto era un caos, mentres nos demais sitios non había ninguén...

Unha vez collín a camiseta, púxenme a quecer xa que só faltaban 15 min. para que dera comezo a proba. Por sorte vin que os corredores estaban practicamente todos quentando cara o porto, eu tamén fun e vin que a saída estaba alí (digo por sorte porque pensaba que se saía noutro lado).

Chegado o momento. coloqueime na zona dianteira do grupo pero igual algo máis atrasado do que debería xa que as sensación que tiven durante o quecemento non foron moi boas e tiña algo de dor no estómago. Tras esperar uns minutos a que chegasen todos os corredores a zona de saída xa que algún non se dera de conta onde estaba a saída, deu comezo a proba.

Arranquei con algún atranco pero rápido recuperei xa que había bastante sitio por onde adiantar nos primeiros metros e comecei a tirar forte, intentando gañar postos para a clasificación do circuíto sen importarme o tempo que fixera ao final.

Foto: Arousa Neo

Preto do Km 2 chego ao grupo de cabeza das mulleres onde intento aguantar o ritmo aí e recuperar un pouco o alento despois do esforzo de chegar ata alí. Aguanto entorno a 1 km e continúo co meu ritmo que tampouco é que fora moito máis rápido pero tiña que probar a ver ata onde daba chegado.
No paso polo km 5 marquei un tempo de 17:42 min. que equivale ir a un ritmo medio de 3:32 min/km. Bastante ben xa que sería o meu mellor rexistro nesa distancia baixando 6 seg. ao meu tempo.

Todo ía ben pero sobre o km 6,5, cando volvíamos a pasar pola zona da Praia do Coroso notei unha falta de forzas considerable, estábame custando moito aguantar o ritmo e mentalmente víñame a baixo e a pensar que agora ía perder moitos postos.
Así 2 Km's despois xa perdera dous postos, as dúas primeiras mulleres acabábanme de adiantar, eu intentei seguirlles o ritmo e o consigo.
Para sorpresa miña, no km 9,2 esas malas sensacións que estaba tendo e o cansancio das pernas desapareceron e comecei a correr como se estivese no comezo da proba. Pouco a pouco fun alcanzando ao o grupo que levaba por diante pero cando cheguei xa só faltaban 300 metros para rematar e o grupo comezou a tirar máis forte pelexando por posición mentres eu que xa cheguei xusto de forzas alí non consigo gañar ningún posto e tras mirar atrás e ver que tiña a posición fixa, déixome levar os últimos metros acabando nun moi bo tempo. 

🏆 Clasificación xeral mulleres 🏆