Tocou disputar un proba das que xa non ten que ver moito o resultado senón que haxa o maior número de participantes xa que é unha proba solidaria a favor de Cruz Roja. Despraceime ata Lalín onde tiña lugar a III Carreira Solidaria Festas de Lalín sobre un circuíto ao que teríamos que dar dúas voltas ata completar unha distancia de 6 Km. 

O obxectivo sería:

Cheguei sobre as 18:20h a Lalín xa que no regulamento poñía que os dorsais os entregaban ata 18:30. Como aínda faltaban dúas horas para que dera comezo a proba, fun tomar un té a zona da saída da carreira. Chegado o momento volvín ao coche cambiarme para poñerme a quecer e xa me fun atopando con compañeiros de carreira, onde antes de darse a saída nos sacamos unha foto con Jesús Bernal.

Coloqueime na saída, practicamente adiante de todo xa que a saída é algo estreita e nun dos lados había unha valla que aínda facía a saída un pouco máis estreita e por onde había que pasar con precaución e tras unha conta atrás dá comezo a proba.

Foto: Concello de Lalín

Non arranquei moi ben con varios atrancos nos primeiros metros pero rápido comecei a tirar e a recuperar os postos perdidos, quedándome no grupo perseguidor da cabeza de carreira e con boas sensacións.

O percorrido parecía ser igual ao do ano pasada ata que na longa recta da Av. Luis González Taboada en vez de chegar ata o final, xiramos antes para coller a calle da meta. O obxectivo que levaba para a carreira xa non me valía polo que intentei manter posición e seguir co ritmo forte.

Así fago a primeira volta nun tempo de 10:09 minutos que equivale ir a un ritmo medio de 3:41 min/km bastante ben pero agora tocaba manter ese ritmo.

Foto: Concello de Lalín

Durante a segunda volta foi un querer e non poder. Notaba como o cansancio se apoderaba de min, aínda que intentaba seguir tirando forte, as pernas non ían como antes, sobre todo na zona da subida a estación de buses e subindo por onde o Instituto Laxeiro, posiblemente as zonas máis duras do percorrido e onde perdo un posto, intento seguilo para que na recta de meta intentar recuperar o posto. A pesar de que lle fun aguantando o ritmo en torno a 1,5 Km's eu xa non podía máis e desisto do intento a pesar de que só restaban 400 metros aprox. para cruzar a meta.

Esta segunda volta fágoa en 10:47 minutos que equivale ir a un ritmo medio de 3:55 min/km, moita máis lenta que a primeira volta e chegando a meta non moi satisfeito de como acabei.

O resultado final foi:

• Posto xeral: 11º de 163.
• Posto categoría: 11º
• Tempo: 20:56 min.
• Ritmo: 3:48 min/km

PD: Clasificación completa. Foto cortesía de: Jesús Bernal e Concello de Lalín. Moitas gracias.