Cheguei a Boiro xusto para recoller o agasallo técnico (unha camiseta), poñer unha crema de calor no soleo e xemelgo que o tiña algo tocado do día anterior e xa me puxen a quecer. Ultimamente estou chegando as probas co tempo bastante xusto...

Coloqueime na zona dianteira, aínda que creo que algo máis atrasado do que debería pero como o comezo da proba era ancho e picaba cara abaixo non ía perder moito xa que polo normal saen todos os corredores moi rápido.

Tras unha conta atrás deuse a saída e a miña teoría foi correcta, fixen unha boa saída pese a estar algo atrasado porque por diante saíron todos moi rápido, tanto que me estaba custando gañar postos.

Foto: Marcos Creo (La Voz de Galicia)

Os dous primeiros Km son bastante favorables xa que se comeza baixando e logo vaise todo polo paseo da Praia de Barraña, aínda que este ano polo paseo paseino bastante mal porque facía moito vento e a min "peso pluma" aféctame moito. As sensacións non estaban sendo moi boas xa dende o comezo. Intentei saír forte dende o principio pero tiña unha molestia na zona onde rematan as costelas como un punto que non me deixaba apertar máis. De todas formas estes dous Km's saíronme bastante rápidos a 3:26 e 3:35 min/km.

Saíndo do paseo pódese dicir que empeza a carreira de verdade ou o duro da proba xa que comezabamos a subir constantemente ata o km 4,5. Eu seguín apertando a pesar da molestia pero os ritmos non estaban saíndo e estábame custando máis do normal manter a respiración.

Dende o Km 5,5 onde estaba situado o avituallamento intermedio ata o 8,5 fun perdendo postos sen ser quen de facer nada, non daba nin seguir aos corredores que me estaban adiantando porque o punto que tiña non me permitía forzas máis e o soleo xa estaba doendo, non para ir coxeando pero a molestia era notable. Durante todo este trama o terreo era un continuo sube e baixa.

Cando xa só restaba 1,5 Km para a meta, decidín dar todo o que me quedaba para non seguir perdendo postos. Aínda que nesta última parte estaba o máis dura da proba. Primeiro había unha baixada e logo unha dura subida duns 300 metros e que outros anos o teño pasado mal aí. Este como tiña reserva nas pernas puiden subir "rápido" e poder así conservar o posto ata meta xa que unha vez rematabas a subida era todo terreo favorable e case por inercia chegabas rápido a meta.

O resultado final foi:

🏆 Clasificación xeral homes 🏆