Fun cos amigos que antes de que volvan o fútbol, están aproveitando para vir as carreiras comigo. Chegamos a Pontevedra cedo xa que os dorsais só os daban ata as 20:00h e mellor ir con tempo para evitar calquera imprevisto. Recollimos os dorsais e como aínda quedaba tempo ata a hora da proba 21:30h fomos dar unha volta por Pontevedra buscando un bar onde tomar un refrixerio e no meu caso, un té negro que levo tomando desde fai tempo antes de correr.
Cando faltaba 40 min. para a saída fúmonos cambiar e antes de poñernos a quecer un pouco sacamos a foto de equipo, aínda que non estabamos todos, si unha gran maioría.

Poxémonos a quecer un pouco, mentres non perdía de vista a saída para intentar colocarme ben e que non me pasase o da última proba onde por despistarme tiven que saír moi atrasado. Cando vin que os corredores se dirixían cara meta, desexeille sorte os amigos e fun cara a liña de saída onde quedei bastante ben colocado se cadra podía ir un pouco máis para adiante pero como había saída conxunta dos participantes de 5K e 10K preferín quedar alí por si os que estaban adiante eran os de 5K e engancharme a un deles levando un ritmo máis alto do que debería.

Deuse a saída e a pesar da cantidade de corredores que había, fixen unha boa saída. Coma sempre  intentando buscar o exterior das curvas xa que hai máis espazo para poder recuperar postos e comezar a marcar o meu ritmo.

Foto: Pontevedra Viva

Durante a primeira volta fun gañando moitos postos e non sabía moi ben a quen estaba adiantando xa que íamos mezclados os do 5K e 10K pero mentres as sensacións foran boas ía seguir tirando forte. Pouco a pouco funme acercando aos compañeiros de equipo Kote e Jose e decido intentar aguantar aí xa que levaban moi bo ritmo. Pasei o Km 5 segundo o reloxo en 18:12 min. que supón un ritmo de 3:38 min/km que estaba moi ben porque só eran 10 seg. máis lento que a miña marca nos 5K. 

Foto: Cano FotoSports

Na segunda volta continuei cos compañeiros de equipo pero xa non gañábamos tantos postos como o principio. Cando faltaban dous Km's aprox. Kote vaise quedando polo que xa só quedabamos Jose e eu pero só son capaz de aguantarlle un Km máis xa que a falta de 1 Km para meta comezo a quedarme un pouco atrasado, xa non era quen de aguantar o ritmo de Jose. Tras unha mirada atrás e ver que tiña marxe decido manter posición e non forzar máis.

Foto: Cano FotoSports

O resultado final foi:

Os obxectivos cumpridos aínda que o ritmo non é moi fiable xa que ao final a proba faltábanlle uns 500 metros. O ritmo real segundo o reloxo foi de 3:40 min/km o que suporía facer os 10K en 36:40 min polo que corrín mellor do esperado e case a ritmo de facer marca pero iso queda para dentro dunhas semanas onde terei dobre oportunidade.

En canto aos amigos estivemos catro aínda que na foto falta unha e os catro estabamos escritos nos 10K. Marcos Otero rematou a proba en 49:28 min. acadando a 334º posición. Alba Sobrino na súa primeira proba, rematou en 50:23 min acadando o 359º posición. Por último Pablo Cerdeira que tras un erro nas indicacións que separaban a carreira de 5K e 10K e facer só os 5K rematou en 25:43 min. acadando a 86º posición.

Foto: Maribel

En canto a proba gustoume moito o percorrido pola zona vella, monumental... moi entretido, con un continuo sube baixa non moi forte pero que na segunda das voltas se comeza a facer máis duro polo cansancio acumulado, moito público animando e a fin solidaria que ten.
O que non me gustou foi o tema das duchas xa que non había, por sorte o tempo nos respectou porque ameazaba chuvia e sen ter duchas era moi posible que o día seguintes todos estiveramos con gripe. Sen premios por categorías só aos tres primeiros absolutos e o avituallamento pareceume moi xusto en comparación con outras probas nas que sendo gratis parece que saes de alí "comido"... 

🏆 Clasificación xeral homes 🏆

1. Luis Carlos Rivero .............. 30:29
2. Anxo Castro Varela ............ 30:40
3. Álvaro Prieto Fervenza ..... 31:33

1. Olalla Saborido Gil .................. 39:42
2. Laura Pérez Trabazo ............... 41:44
3. Tania Domínguez Ferreira ..... 41:54