Este ano a diferencia que o anterior só viñemos dous a correr. Chegamos co tempo xusto para aparcar, poñer o disfrace de Mamá Noel e ir a trote para a Praza do Obradoiro onde estaba a saída e meta. Cando chegamos dimos unha volta pola praza para ver o gran ambiente que había e a reporteira fotográfica de La Voz de Galicia, sacounos unha foto.

Tras a foto fomos chamados para colocarnos na saída. Ao igual que o ano pasado colocámonos atrás de todo, non había ninguén por detrás ata que de repente se ve o confeti no horizonte. Era o sinal de que a proba dera comezo.

Tardamos case 3 minutos en cruzar a liña de saída e para iso aínda íamos andando. Para min, que polo normal sempre salgo nas primeiras filas era unha sensación estraña, incluso cando empezamos a trotar e íamos a un ritmo de 7 min/km custábame levar o ritmo tan tranquilo ata me daba a sensación de que me cansaba máis.

Cando se foi estirando todo pouco a pouco fomos gañando postos e vendo os disfraces dos demais corredores. No paso pola Alameda intentei facer un directo para Instagram pero por non pararme non o din feito (para o ano pau selfie e directo de principio a fin).

Practicamente todo o percorrido adiantando a corredores e os nosos ritmos cada vez máis competitivos sen chegar a ir "rápido". Agás na subida da calle de Entremuros que case nos paramos por completo ao ser unha rúa estreita e fíxose un pouco de embude pero a partir de aí a correr de novo xa rumbo a meta. 

O resultado final foi:

🏆 Clasificación xeral homes 🏆

🏆 Clasificación xeral mulleres 🏆

1. María Y. Gutiérrez Robles ... 20:19
2. Tina Fernández ....................... 20:38
3. Inés Castaño García .............. 20:45

Pd: Clasificación completa. Fotos cortesía de: Sandra Alonso (La Voz de Galicia) e Juanma Fotografía. Moitas gracias.