Último día do ano e tocou desfrutar das tradicionais San Silvestre, para iso despraceime ata Silleda onde se ía celebrar a III edición desta, despois de que o ano pasado por condicións meteorolóxicas se suspendese. Unha proba que este ano incrementaba a distancia de 5 a 6 Km dando 6 voltas ao percorrido.

Os obxectivos serían:

Cheguei a Silleda con un amigo que tamén ía correr a proba, tras realizar a inscrición gratuíta, fomos tomar un té como é habitual en min antes de correr e unha vez rematado, vimos a carreira dos pequenos. Rematada esa proba fúmonos cambiar e a quentar un pouco.
Era a nosa quenda máis a dos rapaces que só tiñan que dar unha volta ao percorrido. Tras a espera de que a Policía Local dera o ok, comezou a proba.

Foto: Concello de Silleda

A saída fíxena con moita precaución xa que ao saír cos rapaces que se colocaron en primeira fila, había que ter tino de non tropezar con eles. Pasados os primeiros 500 metros xa se formara o grupo de cabeza con 5 corredores no cal me atopaba eu.

Foto: Concello de Silleda

Así fomos durante dúas voltas cando un dos corredores se comeza a quedar polo que xa só quedabamos 4. O ritmo cada vez era máis intenso e cando na terceira volta empezaron a rodar a ritmos próximos a 3:30 min/km pouco a pouco funme quedando atrasado e vendo como as opcións ao podio se ían escapando.

A segunda metade da proba xa fun con un ritmo máis tranquilo e mantendo a posición, xa non había ningunha opción polo que só me quedou desfrutar do que quedaba de proba, aínda que fun algo tocado nas dúas últimas voltas por un punto que me deu no abdome pero que me permitía seguir rodando a ritmos de 4:00 min/km.

O resultado final foi:

• Posto xeral: 4º.
• Posto categoría: 4º
• Tempo: 22:48 min.
• Ritmo: 3:46 min/km.