Durante a primeira volta fun gañando posicións e mirando o reloxo seguido para ver como estaba rodando. Estábame custando máis da conta rodar por debaixo de 4 min/km pero de momento estábao conseguindo, non por moito pero ía dentro do obxectivo. A primeira volta fíxena en 16:00 min que equivale un ritmo de 3:57 min/km. As sensacións eran boas para afrontar a segunda volta.

Na segunda volta ao xa levar un bo ritmo intento apertar un pouco máis e seguir gañando posicións vouno conseguindo pero notei como se me faltara un plus, e sobre todo velocidade. De todas formas seguín gañando posicións durante toda a volta, menos que na primeira pero algo lóxico. 

Encarando xa a recta de meta, comezo a controlar a posición xa que por diante vía complicado gañar un posto e por detrás tiña marxe polo que me deixo levar os últimos 150 metros xa recuperando do esforzo da proba. Esta última volta saíume a un tempo de 15:51 que equivale un ritmo de 3:55 min/km, mellorando o tempo da primeira volta.

Os obxectivos cumpridos aínda que cando me puxen o obxectivo de facer a carreira por debaixo de 4 min/km pensei que o ía facer máis fácil e finalmente custoume conseguilo. Sorprendeume o tempo xa que non comprobara o que fixera o ano pasado nin a miña mellor marca nesta proba e fixen mellor tempo que o ano pasado, onde sufrín moito por correr o día anterior e quedeime a 43 segundos da miña marca nesta proba, polo que moi satisfeito co resultado.

Toca seguir adestrando e sumando km's para recuperar todo o perdido e afrontar os próximos retos. 

🏆 Clasificación xeral mulleres 🏆