Cheguei con tempo a Santiago pero igual me confiei de máis xa que cando cheguei a zona onde paraban os buses que nos levarían ata a saída, acabei de cambiarme e subín ao penúltimo bus pero entrei por unha porta e saín pola outra. O autobús xa estaba completo polo que tiven que coller o último. Nada máis cheguei a Cidade da Cultura xa me puxen a quentar porque só restaban 20 minutos para que se dera a saída.  Cando vin que xa ían todos cara a saída, eu tamén fun intentando poñerme nunha boa posición pero coa lección aprendida da Carreira de Rianxo. Polo que sen poñerme adiante de todo, esperei a que dera comezo a proba que sufriu uns minutos de atraso. Deuse a saída e foi un comezo estraño non porque se saíse como se só se fora a correr 1 km senón porque nos primeiros metros tiven unha dor polo costado que non sabia a que se debía e non me deixaba correr comodamente. Isto provocou que perdese bastantes postos incluso pensei que ía ter que facer a proba a trote ou andando.

Por sorte esa molestia desapareceu aos 800 metros cando entramos no Bosque de Galicia. A partir de aí puiden comezar a recuperar postos pouco a pouco xa que a baixada polo Bosque de Galicia era estreita e perigosa polos xiros que había que dar e porque estaba o terreo mollado. Tras a intensa baixada chegamos ao Multiusos Fontes do Sar para coller o paseo que vai polo Rio Sar. As sensacións eran moi boas e durante todo o tramo do Rio Sar duns 2 Km fun gañando postos. 

Rematado o tramo polo paseo do Rio Sar chegamos ao Parque Eugenio Granell no km 4,5, a zona que para min é a máis divertida xa que parece que estiveses correndo un cross ou un trail pola zona máis fácil. Xa me comezaba a custar manter o ritmo co que cheguei aí pero a pesar diso gañei algún posto máis e tamén perdín algún por mor das postes que había que cruzar xa que estaban moi esvaradías e se non recordo mal, houbo xente que o ano pasado xa caera aí polo que nese puntos pasei con moita precaución. Así fun ata a meta dando todo o que me quedaba nas pernas e conseguindo manter un moi bo ritmo durante todo o percorrido.

O resultado final foi:

🏆 Clasificación xeral homes 🏆