Cheguei moi pronto a Marín para intentar aparcar sen problemas e así foi, xusto ao carón da saída. Tras aparcar fun recoller o dorsal e como quedaba moito tempo para cambiarme, fun tomar o típico té negro pre-carreira a un dos bares que estaba preto da meta. Despois de ver algunha das probas de categorías inferiores e de saudar a gran cantidade de compañeiros que hoxe estaban alí, funme cambiar.

Despois de cambiarme, estiven pola zona de saída a ver se atopaba a cámara de chamadas para o Campionato e logo poñerme a quecer. Como non o atopaba púxenme a quentar cando vin que a cámara de chamadas estaba dentro da pista de fútbol de 3x3, polo que fun para certificar a miña presencia e seguir quentando pero non puido ser, había un xuíz que estaba dicindo que unha vez pasaramos pola cámara de chamadas non se podía saír do recinto polo que xa non podía quentar como fago sempre.
Cando estaba alí encerrado vía como os populares e algún do campionato estaba quentando fora mentres eu pensaba que a ver se nos deixaban saír pronto para quentar un pouco pero non foi así xa que de repente, vin como os da carreira popular comezan a colocarse na saída e nos seguimos alí encerrados, non entendía nada. Faltaban 5 min. para a saída, déixannos saír e temos que entrar por onde se podía, polo que creo que é a primeira vez que salto unha das vallas que delimitan o percorrido para poder estar nunha posición "aceptable" e non ter que ir para atrás de todo.
Sinceramente seguía sen comprender o que sucedera e de que non houbese ningún tipo de control para a saída. Creo que sendo Campionato Galego os que ía a participar nel deberían ter preferencia e non o revés. O mesmo estaban dicindo os corredores que estaban ao meu carón xa que non entendían nada. (Seguirei coa crítica ao final)*.

Xa colocado para a saída nunha posición que non me gustaba moito xa que estaba algo máis atrasado do que debería e tras esperar a que foran chamando aos que mellor marca tiñan un por un e coa banda sonora do Equipo A, deuse a saída, onde por ir con precaución fun perdendo postos e adiantando a xente que como era normal non debería estar tan adiante.