Día frío e con ameaza de choiva en A Estrada. Cheguei pronto para recoller o dorsal e non puiden ver ningunha carreira antes porque eramos os primeiros en saír. Chegado o momento, cambieime e púxenme a quecer mentres saudaba a compañeiros de carreiras. A falta de 5 min. para o comezo da proba, coloqueime na saída bastante adiante pero sen ser das primeiras filas xa que non sabía ben como ían responder as pernas despois de correr o día anterior e ademais había moito nivel nos corredores das primeiras filas. Tras a homenaxe a Manuel Bergueiro e unha conta atrás, deu comezo a proba.

Saín con moita precaución xa que o chan estaba mollado e sobre as plaquetas de pedra onde estaba a saída era fácil esvarar. Pasando esa primeira curva con tino, fun buscando sitios por onde poder avanzar pero sen ter moita presa xa que había tempo suficiente. Pouco a pouco vou recuperando postos e sentíndome moi cómodo, non estaba acusando o esforzo do día anterior. 

Así a primeira volta fíxena en 11:24 min que supoñía ir a un ritmo de 3:34 min/km.

Comecei a segunda volta co obxectivo de seguir gañando postos e tirar ata onde puidese xa que me estaba sentindo bastante ben. Así foi, durante toda a segunda volta seguín recuperando posicións incluso din chegado ata a primeira das mulleres e antes de comezar a última volta consigo adiantala mentres me animaba a seguir así.

A segunda volta fíxena en 11:20 min que equivalía ir a un ritmo de 3:32 min/km. Máis rápido que a primeira polo que todo estaba indo moi ben.

Xa na última volta intentando deixar atrás a bicicleta que marcaba a primeira das mulleres. Custoume media volta pero foi entretido. Por diante tiña a dous corredores aos que, na recta que levaba ata a meta, intentei darlles caza e gañar un par de postos pero xa ía coas forzas xusta, aínda que o intento e chego ata un deles, non son capaz de adiantalo porque incrementou o ritmo e non o din seguido polo que cheguei a meta no posto no que estaba.
Así a última volta fíxena en 11:25 min. que equivalía ir a un ritmo de 3:34 min/km. A pesar de ter a sensación de que estaba indo máis rápido esta foi a peor das voltas pero ao final mantendo bastante ben o ritmo dende o comezo.

O resultado final foi:

🏆 Clasificación xeral homes 🏆