Carreira Batalla de Cacheiras 2023

Volvo a un concello que se me dá ben correr xa que as últimas tres probas que disputei no Concello de Teo conseguín chegar ao podio ademais de ser no concello no que acadei o meu primeiro podio no 2015. Tocou participar na Batalla de Cacheiras cun percorrido de 9Km con saída en Bamonde e meta no Alto de Montouto. 

O obxectivo sería:
  • Quedar o mellor posible para a clasificación por equipos.
  • Intentar seguir coa racha de podios neste concello xa que sería o 4º consecutivo.
  • Intentar mellorar o tempo do ano pasado que fora de 38:38 min.

O resultado final foi:
  • Posto xeral: 5º de 85
  • Posto categoría: 1º 🏆
  • Tempo: 38:24 min.
  • Ritmo: 4:24 min/km
O obxectivo conseguido e sorprendido co rendemento obtido. Acadei o primeiro posto da categoría polo que 4º podio consecutivo no Concello de Teo, mellorei o tempo do ano pasado en 14 segundos e por equipos aínda que non fomos os mellores na clasificación, recibimos premio ao ser o terceiro equipo con máis participantes en liña de meta.

O percorrido xa coñecido e duro como o esperaba. Saída en baixada e con terreo favorable ata o Km 2 máis ou menos e a partir de aí practicamente todo o tempo con tendencia a subir ata os últimos 2 Km onde as subidas son máis duras e rematando coa subida ao alto de montouto nun pendente máis semellante a unha proba de trail.

En canto a carreira todo bastante ben, había servizo de gardarroupas, servizo de autobuses ata a saída, avituallamento intermedio liquido no Km 5,7, avituallamento final con auga e barrita, medalla finisher de madeira, servizo de duchas, streaming da proba e camiseta de agasallo.
Aínda así houbo algo que mellorar e é que houbo problemas na entrega de premios con algunha categoría e na clasificación por equipos eu faría ao revés de como fixeron, creo que facer o podio cos tres primeiros clasificados e darlle un premio a parte ao club máis numeroso.

🏆 Clasificación Xeral Homes 🏆
  1. Maxi Oubiña Falcón ... 36:01
  2. Oscar Guerra Magán ... 36:39
  3. Michel Fernández García ... 37:24
🏆 Clasificación Xeral Mulleres 🏆
  1. Lucía Peón Santomé ... 45:30
  2. María Tarrio Martínez ... 46:20
  3. Teresa Carneiro Barroso ... 48:29
Pd.: Clasificación completa. Moitas grazas por pasarte.

  • #
  • #
  • #

    • Comparte esta historia

    Tamén che pode gustar:

    0 comments

    Sígueme
    ¡Contacta!