Tocou desprazarse ata o Concello de Teo, concretamente a Cacheiras onde se ía celebrar a Batalla de Cacheiras sobre un percorrido duns 9 Km's aprox no cal practicamente íamos estar subindo todo o tempo. Este percorrido histórico une os lugares de Baamonde co alto de Montouto como se pode comprobar neste video.

O obxectivo sería:

Comecei o quecemento como 30 min antes do comezo da proba pero non había moito máis que facer por alí e ao ir no primeiro dos autobuses era o que tocaba. Trote suave que se foi intensificando segundo se achegaba a hora da saída. Chegada a hora, coloqueime un pouco máis atrasado do que debería pero sabía que ía haber tempo para recuperar e sufrir nesta carreira. E así sen darme de conta sonou o pistoletazo de saída, case non dou posto a gravar a GoPro e para colmo tamén me esquecín de darlle inicio ao reloxo polo que cando me din de conta xa levabamos uns 500m de carreira.

Foto: Difusion ProSport

Arranquei bastante ben, con precaución nos primeiros metros pero como non eramos moitos foi fácil atopar espazos e comezar a marcar o meu ritmo. Os primeiros 2Km eran bastantes favorables algunha pendente polo medio pero subíase ben.

A partir de aí o terreo volvíase máis rompe pernas, as subidas comezaban a ser máis duras e logo tiñas unha pequena baixada ou falso chan onde recuperar pero non por moito tempo xa que viñan máis subidas. Estábame sentindo bastante ben, ía tirando forte tanto nas subidas como nas baixadas e como lle dera tarde ao reloxo xa non lle facía moito caso ao ritmo que estaba indo. O único que me preocupaba era de que me dera tempo de gravar algo mentres corría.

Foto: Difusion ProSport

Pasamos o avituallamento intermedio preto do Km 6 do cal non collo auga. Dende aí un km favorable preparándonos para os 2 últimos Km's nos que era todo o tempo subindo coa última subida ao alto de Montouto onde estaba a meta. Esta última subida era mortal xa que había moita inclinación, pensei que ía conseguir facela toda correndo pero pola metade tiven que botarme a andar, momento no que perdo un posto pero eu xa ía coas pernas bailando. Por detrás tiña marxe polo que pasada ese tramo máis duro da subida volvo a correr para manter posto e chegar así a meta.

O resultado final foi:

En canto a carreira, contaba con servizo de buses que te levaban a saída, avituallamento intermedio liquido e avituallamento final completo. Servizo de gardarroupas e duchas. Camiseta e medalla finisher. A parte das carreiras absoluta e de menores tamén había andaina. Botei en falta a recreación que fixeran no 2017 con cabalos e xente vestida da época da batalla que foi o motivo principal polo que levara a GoPro para gravar.

Foto: Difusión ProSport

🏆 Clasificación xeral homes 🏆