Como é habitual fun cedo para a carreira e menos mal porque me equivoquei na rotonda dos bombeiros en Pontevedra e tiven que dar volta... 🤦 Cheguei o Porriño e coa sorte de que xusto cando estaba buscando sitio para aparcar, marchaba outro coche.

Fun recoller o dorsal, mais o de outros corredores que non ían disputar a proba e xa me fun atopando con compañeiros das carreiras. Nada máis recoller o dorsal comecei a cambiarme porque xa non quedaba moito para o comezo da proba e había que quecer xa que tocaba espremer o corpo.

Chegada a hora coloqueime na saída, non me gustou moito onde quedei colocado xa que quería saír un pouco máis adiante pero o lugar da saída era ancho e non debería haber problema para marcar rápido o meu ritmo. Así tras unha conta atrás, deu comezo a proba.

Foto: Fernanda Rivera (Pablo Rios)

Arranquei bastante ben, tras eses primeiros metros de precaución para non tropezar con ningún corredor, comecei a marcar o meu ritmo para intentar o obxectivos e vou rodando a ritmos inferiores a 3:35 min/km. Estábame sentindo bastante cómodo tamén axudado a que eses primeiros 3 km's tiñan unha leve tendencia a baixar.

O problema era os outros 2 Km's que restaban para rematar a primeira das voltas xa que se os primeiros baixaban este tendían a subir, visualmente non se notaba pero cando mirabas o reloxo o ritmo xa non era o mesmo e xa me fun a ritmos entorno aos 3:43 min/km e iso que intentei forzar nesa zona algo que me penalizou na segunda volta. Así completo a primeira das voltas nun tempo de 18:15 min polo que de seguir así ía para un tempo de 36:30 min.

Foto: Fernanda Rivera (Pablo Rios)

A segunda volta foi un querer e non poder. O Km 6 e 7 ao ir "baixando" conseguía manter un bo ritmo preto do obxectivo pero as pernas xa non respondían como antes e aínda que eses km's ía medianamente ben xa estaba perdendo postos e non era capaz de engancharma a ningún dos corredores.

Así cando chegou a parte máis "dura" da proba, os últimos km's xa non tiña forza e tras ver que non ía ser quen de conseguir mellorar o tempo funme deixando levar xa sen forzar máis porque era imposible acadar o obxectivo marcado.

Foto: Fernanda Rivera (Pablo Rios)

O resultado final foi:

En canto a proba, gardarroupas, avituallamento intermedio liquido, avituallamento final moi completo, camiseta de recordo, duchas e caixóns nas saídas. O percorrido como xa dixen, os primeiros km's moi rápidos con algún xiro forte e segunda parte da volta con algunha que outra subida que polo menos a min me rompeu o ritmo.

🏆 Clasificación xeral homes 🏆