Despois de acadar un gran resultado na Batalla de Cacheiras e unha semana sen competir, tocou participar nunha das probas poderíase dicir que fixas no meu calendario: a Carreira Camiño das Letras que se celebra sempre o 17 de Maio coincidindo co festivo do Día das Letras Galegas. Proba que une Boqueixón (Pico Sacro) con Santiago de Compostela (Cidade da Cultura) percorrendo parte do Camiño de Santiago e unha distancia de 15Km bastante duros. 

O obxectivo sería:

O percorrido o mesmo que o ano pasado, con eses primeiros km baixando o Pico Sacro que se te deixas levar podes marcar moi bos ritmos pero despois seguro que vas pagar ese esforzo porque tras rematar o terreo favorable polo Km 5 comeza a carreira de verdade. Un continuo sube e baixa con algunhas pendentes duras e cando chegas ao Km 11 xa practicamente todo para arriba onde está a subida a Angrois e a subida polo Bosque de Galicia que che dan ganas de botarte a andar ata chegar a Cidade da Cultura.

En canto a carreira todo bastante ben, entrega de dorsais o día previo ou o mesmo día da proba, boa zona para aparcar na Cidade da Cultura, servizo de autobús ata a saída, servizo de gardarroupas, voluntarios nos cruces máis perigosos, avituallamento intermedio con auga, avituallamento final moi completo e un ano máis con degustación de ternera gallega, zona de fisioterapia, duchas as que hai que ir en coche pero son as que máis preto quedan e de agasallo daban un diploma e un libro.

O que menos me gustou foi o tarde que se entregaron os premios.

🏆 Clasificación Xeral Homes 🏆