VII Carreira Camiño das Letras

Aquí estamos de novo. Non tiña pensado volver a competición ata setembro, vendo o ritmo que levaba a vacinación cría que sería un mes onde xa se podería estar máis ou menos ben sin moito risco a contaxio pero o mes anterior, comezaron a haber probas sobre todo de trail e pista e vendo o protocolo a seguir parecía viable comezar coas probas populares. Así foi como decidín anotarme a VII Carreira Camiño das Letras. Proba que une o Pico Sacro coa Cidade da Cultura percorrendo o Camiño de Santiago sobre unha distancia de 15Km. Proba que nos últimos ano me deu bastantes alegrías xa que fun 1º no 2018 e 3º no 2019.

Este ano sen moita preparación xa que estaba adestrando moi pouco, mais que nada para non estar parado de todo. Facendo 20Km a semana como moito. Tocou poñerse a sumar km's as últimas dúas semanas que foi cando me inscribín na proba. Sabendo isto os obxectivos estaban claros e podía descartar este ano chegar ao podio.

Os obxectivos:

  • Comprobar o estado físico no que me atopo.
  • Desfrutar do regreso a competición.
Cheguei ao Pico Sacro cando restaban 20min. para a saída dos primeiros corredores xa que por protocolo COVID a saída sería de dous en dous cunha separación de 20seg. respecto aos seguintes dous corredores. Para a miña saída aínda faltaban uns 40min. polo que mentres, púxenme a quecer un pouco e ver como ía o tema da saída.

Chegou a miña quenda, coloqueime na saída mentres o speaker anunciaba os meus últimos resultados mentres pensaba para min que este ano íaseme facer moi longa a carreira. Saquei a mascarilla coa que tiñamos que estar en todo momento ata o inicio da proba e tras a conta atrás, arranquei a proba.

Saín a tope pero tiña que ser así quixera ou non, os primeiros km's eran todo o tempo baixando dende o Pico Sacro. Así é como os tres primeiro km's me saen por debaixo de 3:10 min/km chegando ao Km 5 nun tempo de 16:42 min. xusto un minuto menos que a miña marca homologada nesa distancia. Ata aí as sensación eran boas pero non sentía as pernas con forza, era un sensación como que me faltaba estabilidade, como si xa non soubese correr...

A partir de aí o terreo xa non era tan favorable e entrabamos un sube e baixa constante con algunha subida na que xa me din de conta que me falta moito físico para estar como antes. A subida que hai a altura da Susana xa pensei que ía botar todo fora pero intentaba manter o ritmo porque de momento todo o que fixera fora gañar postos polo que, moi mal non debía ir.

Polo km 7 xa me comezan a alcanzar corredores que saíron máis tarde ca min, a verdade é que non me desmotivou moito xa que sabía que chegaba moi xusto a proba e nin intento seguirlle o ritmo a eses corredores. Preferín manter o meu ritmo e ver ata onde era capaz de chegar.

Así foron pasando os km's mentres seguía perdendo algún posto máis ata chegar a altura de Santa Lucía onde comezaba o máis duro da proba xa que practicamente era todo o tempo subir. A subida a Angrois fíxoseme eterna, recordo que o primeiro ano que me tiven que enfrontar a ela, tiven que facer un tramo andando porque non podía coas pernas. Este ano estaba igual, pola miña cabeza só pensaba en non botarme a andar. Así fun subindo e sufrindo pero conseguín non botarme a andar. Tras esta subida viña un pequeno respiro e outra vez a subir por Angrois pero xa era máis como un falso llano que picaba seguido e cada vez se ía inclinando máis. Neste punto perdo outro par de posición onde intento seguir o ritmo de un deses corredores xa que estabamos no final pero era imposible, estaba esgotado fisicamente.

Foto: Runners Galicia

Rematada esta subida unha pequena baixada para encarar o último tramo subindo polo Bosque de Galicia. Este ano como nos últimos anos modificaron o final e desta vez empezamos a subir por un tramo de escaleiras... tras as escaleiras comezamos un zig-zag con unha inclinación importante pero co ánimo do público que estaba nesa zona foise levando mellor e chegar así a Cidade da Cultura. Tras cruzar a meta e recuperar un pouco o alento a poñer a mascarilla de novo.

Foto: Organización
O resultado final foi:
  • Posto xeral: 33º de 167.
  • Posto categoría: 12º.
  • Tempo: 1:00:41
  • Ritmo: 4:09 min/km
Os obxectivos sinceramente esperábame estar mellor pero acabei coa sensación que din todo o que había non creo que puidese apertar máis. Vendo os tempos aínda co meu mellor tempo que acadei no 2019 só me serviría para ser 19º. O mellor volver a poñerse un dorsal e sentir esas ganas de competir e sufrir ata o final. Mentres escribo isto, teño unha maniotas que case non me deixan andar polo que aí se nota que non estaba preparado. Toca poñerse as pilas e recuperar o ritmo e o físico mentres espero a que pouco a pouco volva as probas e se poidan facer con prevención e sentidiño.


🏆 Clasificación xeral homes 🏆
  1. Simón González Rio ... 48:46
  2. Sergio Requeijo Requeijo ... 52:02
  3. Jonathan Fernández Ríos ... 52:12
🏆 Clasificación xeral mulleres 🏆
  1. Tina Fernández Barreiros ... 1:01:50
  2. Silvia García Lorenzo ... 1:03:53
  3. Lucía Peón Santomé ... 1:10:10
Pd: Clasificación completa. Fotos cortesía de: Runners Galicia e Organización. Moitas gracias.

  • #
  • #
  • #
  • #

    • Comparte esta historia

    Tamén che pode gustar:

    0 comments

    Sígueme
    ¡Contacta!