Tocou desprazarse ata Boiro onde se celebraba a XVI Carreira Popular Mar de Boiro, sobre unha distancia de 10Km. O percorrido se era o mesmo dos anos anteriores sería rápido é duro a partes iguais polo hai que levar un pouco de control ao principio para chegar con pernas ao final.

O obxectivo sería:

Tras pasear por Boiro facendo tempo, chegou a hora de cambiarse e poñerse a quecer. Cando restaban 10 min. para o comezo voume acercando a liña de saída para quedar ben colocado e así finalmente quedo nunha 4ª/5ª liña. De novo saída conxunta polo que tras unha conta atrás arranquei a proba con precaución a non tropezar con outro corredor.

Despois duns metros xa cando se empeza a estirar todo, comezo a marcar o meu ritmo e a recuperar postos. Mirei o reloxo porque a primeira parte desta proba e baixando e sempre se vai rápido de máis algo que acabas pagando ao final. Así foi, tras botar unha ollada ao ritmo decido levantar un pouco e manter un ritmo máis conservador, vou con outro corredor do Atletismo Brión que parecía que levaba moi bo ritmo e decido intentar aguantarlle polo menos a primeira parte. Así fun toda a parte do paseo de Barraña e incluso a seguinte parte da proba onde xa comezamos a ir nun sube e baixa constante. 

Km 4,5 tras levar un bo rato subindo voume quedando pouco a pouco e quedo sen esa referencia de ritmo pero mellor así porque me estaba levando co gancho e xa non daba aguantado moito máis. Por sorte viña un compañeiro do GTR que me adianta e que consigo engancharme de novo para seguir tirando a un bo ritmo. Cada certo tempo miraba o reloxo para ver se ía no ritmo obxectivo e todo ía perfecto, de momento con marxe para mellorar o obxectivo.

No paso polo punto de control do km 5 marquei un tempo de 17:41 min. que supoñía ir a un ritmo medio de 3:32 min/km tan só 8 segundos por encima da miña mellor marca nos 5Km polo que estaba indo perfecto e as sensación eran boas aínda que tiña un xeonllo que me estaba molestando un pouco, algo que pensei que podía ser polo frío.

A partir do Km 6,5 enfrontámonos a unhas das partes que máis respecto lle teño xa que son 2Km en liña recta con un continuo sube e baixa onde practicamente se decide a proba xa que algún dos anos nos que participei nesta proba teño rebentado ata o punto de case ter que ir andando por flato e por apertar demasiado nos primeiro km's. Este ano sentíame moi ben, seguín apertando forte e incluso gañei algún posto neste treito.

Queda a última parte, rematada a longa recta, unha forte baixada duns 500m para comezar a subida máis dura da carreira duns 250m que che deixan as pernas temblando. Unha vez arriba practicamente é deixarse levar ata meta xa que todo o que queda é terreo favorable. Neste tramo de terreo favorable perdín un posto a favor do compañeiro do GTR pero como somos de distinta categoría non me importa moito e cruzo a meta satisfeito coa carreira realizada.

O resultado final foi:

🏆 Clasificación xeral homes 🏆