Chego pronto os arredores da Capela da Guía onde estaba situada a saída e onde se recollía o dorsal e o detalle que regalaban que non era unha camiseta máis senón que unha xoaniña pintada nunha pedra e pegada a un circulo de madeira. Detalle orixinal e non a camiseta de sempre que dentro de pouco xa non me van coller máis na casa...

Tras recoller o dorsal volvín para o coche porque estaba o día moi frío e con ameaza de choiva polo que preferín esperar ao quente. Chegado o momento cambieime e xa me poño a quecer para que non me collera o frío. 

Fomos chamados de 5 en 5 se non me lembro mal e con diferencia entre grupos de 30 seg. Chegada a miña quenda, coloqueime adiante para saír ben e tras pasar eses 30 seg. respecto ao anterior grupo deu comezo a proba. Arranquei forte e pronto me coloquei no primeiro posto do grupo que pouco me ía durar xa que un dos corredores que saía no grupo comezou a marcar o seu ritmo e aínda que intento seguilo pouco a pouco o vou perdendo de vista.

Os primeiros 400m foron por asfalto, logo metémonos por un camiño de herba onde había que mirar onde se pisaba xa que a herba estaba alta e non sabías o que ía haber abaixo. Traspasado ese tramo Km 0,8 unha recta duns 200m novamente de asfalto que nos levaría a un sendeiro de terra onde estiven apiques de esvarar (aínda non confío nas zapas...). Tras ese tramo de terra chegamos a un muiño onde me tiven que parar porque non sabía que dirección tomar, por sorte acertei e uns metros máis adiante xa vexo unha cinta polo que, camiño correcto. Xa estaba gañando postos aínda que ía controlando un pouco o ritmo esperando a subida do final.

Polo Km 2,6 pasamos por unha edificacións que non tiña nin idea de que eran nin que facían alí ata que, mentres escribía a crónica, busquei información e vin que eran parte do Parque Natural de Corrubedo. Tendrei que visitar esa zona porque non a coñecía e tiña boa pinta para facer un pouco de turismo.

Seguimos avanzando e chegamos ao Km 4 agora empezaba o bo da proba, a subir e subir. Seguíamos por camiños de terra e de momento ía subindo ben sen apertar moito pero sen determe. Seguín gañando postos de corredores que se botaron a andar. Tamén perdín un posto a favor do vencedor da proba. Así fun todo o tempo sorprendido porque polo normal cando veñen as pendentes en trail sempre se bota un a andar e estaba subindo todo correndo. Foron pasando os km´s con pendentes unhas máis duras que outras todo o tempo por terra ata o Km 6,9 onde afrontamos a última subida por asfalto que nos levaría xa ata o miradoiro da Pedra da Rá, onde chego satisfeito por facer toda a proba correndo.

O resultado final foi:

🏆 Clasificación xeral homes 🏆