Despois de tres semanas sen competir, tocaba volver para afrontar a última parte do ano, para iso despraceime ata O Pino concretamente ata a Area Recreativa de A Magdalena onde se ía celebrar a II Carreira Popular 5Km pola Igualdade.

O obxectivo:

Cando fomos chamados para a liña de saída intentei colocarme nas primeiras filas aínda que había moitos da categoría de menores por adiante pero todos tiñamos que facer o mesmo percorrido. Mentres esperabamos a que se dera a saída, leuse un manifesto en contra a violencia de xénero.

Foto: Concello de O Pino

Xa facía moito tempo que non facía un proba onde fora saída conxunta e parece que se notou xa que cando se deu inicio a proba, arranquei con moita precaución para non tropezar con ninguén. A proba comezaba subindo con unha pendente considerable duns 500m pero para estirar o grupo de corredores era perfecto e rápido comezo a recuperar postos.

A partir de aí terreo favorable e costa abaixo sobre terra ata o km 0,8, logo novamente a subir ata o km 1,4. Durante este tramo de subida o ritmo era bo e seguía recuperando postos pero non me estaba sentindo como se estivese competindo senón que as sensacións eran de adestramento, non estaba indo cómodo.

Volvemos ao asfalto e o terreo volvíase favorable durante unha longa recta na que íamos baixando levemente ata que, tras un xiro a dereita, volvemos a terra e a subir. Subida dura, posiblemente a máis dura da proba. Seguía gañando postos e por adiante tiña un grupo de corredores polo que decido intentar pillalos xa que posiblemente o podio por categoría estivese nese grupo. Tras rematar a subida, Km 3 volvíamos a baixar onde tiñas que pisar con precaución para non esvarar. Quedaba unha última subida pero pequena para chegar ao Km 3,9.

A partir de aí terreo chan no que se baixaba levemente, isto fixo que os ritmos fosen moi rápidos e pouco a pouco funme achegando ao grupo que tiña por adiante e consigo gañar algún posto. 

Quedaba unha sorpresa antes de chegar a meta xa que tivemos que dar a volta a Ermida da Madalena que estaba dentro da Area Recreativa. Tras dar a volta perdo un par de postos pero eu xa estaba conforme coa carreira que fixera e chego a meta tranquilo.

O resultado final foi: