Día festivo, día de carreira! Despraceime ata Rianxo onde se celebraba a IV Carreira Popular Concello de Rianxo sobre unha distancia de 10km no que había que dar 3 voltas a un circuíto ata completar a distancia. 

Os obxectivos serán o de mellorar o tempo do ano pasado que está en 38:27 minutos e seguir avanzando no I Circuíto de Carreiras Arousa Norte xa que neste momento tras dúas probas (A Pobra do Caramiñal e Riveira) vou no posto 11º da xeral e 3º da categoría. 

Unha vez cheguei a Rianxo fun para a zona de meta xa que cheguei cedo e vin as carreiras das categorías inferiores mentres esperaba a que chegara a hora de poñerse a quecer. Cando me dispoñía a comezar o quecemento con outro compañeiro, fixemos unha parada técnica no photocall da carreira.

Tras quecer, fomos chamados para liña de saída, coloqueime bastante adiante pero non moito porque tiña idea de facer unha carreira de menos a máis, xa que os dous últimos anos nesta proba o pasei mal na última volta por forzar moito na primeira volta.

Dáse a saída e arranco tranquilo, perdendo moitos postos ao arrancar con precaución para non caer pero unha vez que se vai estirando o grupo xa comezo a gañar postos, mantendo un ritmo controlado. Así esta primeira volta fágoa en 12:51 minutos que equivale un ritmo de 3:51 min/km aprox. bastante ben para ir controlando. 

Tras acabar a primeira volta comezo a ir máis rápido e a dar caza de moitos corredores mentres as sensacións eran moi boas, nin cansancio tiña despois de correr a Pedestre de Santiago dous días antes. Nesta segunda volta fago un tempo de 12:32 minutos que equivale un ritmo aproximado de 3:46 min/km. 

Empezaba a última volta na que nos últimos anos sempre rebentaba, tras pasar pola saída comezo a notar algo de cansancio, supoño que sería normal xa que estaba intentando ir un pouco máis rápido xa que ao lonxe vía un grupo de corredores e que se conseguía chegar, podía gañar moitos postos. 

Vou toda a volta intentado dar o máximo para poder alcanzalos pero que finalmente non dou chegado pero si quedar moi preto deles, aínda así o esforzo de intentar collelos fixo que gañara un cuantos postos e incluso mandarlle un bo sprint para que non me adiantase o que viña detrás. Esta última volta complétoa nun tempo de 12:20 facendo así un ritmo de 3:42 min/km aprox. e acabar a carreira moi contento xa que as sensacións foron moi boas e fixen o que me propuxen ir de menos a máis e sen virme a baixo na última volta.

O resultado final foi: 

Os obxectivos cumpridos a medias xa que conseguín baixar o tempo do ano pasado en 37 segundos e as sensacións en carreira foron moi boas indo de menos a máis, sen sufrir moito e o cansancio tampouco se notou moito. O que non din conseguido foi avanzar postos na clasificación do circuíto xa que tras actualizar os puntos vou situado no posto 14º da xeral perdendo tres postos e 4º da categoría perdendo un posto e quedándome a 9 puntos do 3º clasificado a falta de unha última proba que será en Boiro o 4 de Decembro, por iso agora voume tomar esa carreira como obxectivo e preparala o mellor posible aínda que antes participarei en dúas carreiras máis nas que poder ir comprobando sensacións. 

En canto a carreira, moi ben voluntarios nos cruces parando aos coches e dándolle paso cando non viña ninguén, avituallamento final moi bo, facilidade para aparcar e moi preto da chegada. Por poñer algo negativo a zona do porto sen xente que che poida dar ánimos a seguir e moita xente recortando na rotonda que poñendo unhas cintas xa estaría solucionado.

Clasificación xeral homes:

Clasificación xeral mulleres:

1. Rocio Alvite Ferreiro ............. 37:24
2. Raquel Suarez Pedrosa ........... 38:00
3. Esther Pedrosa Carrete ........... 40:13

PD: Clasificación completa. Fotos cortesía da Concellería de Deportes e Patrimonio Histórico de Rianxo. Moitas Grazas!!