Unha vez cheguei a A Pobra do Caramiñal, fun recoller o dorsal e como ía con tempo funme preparando con calma, vendo que xente ía participar e todo o que vía non me gustaba, xente moi preparada para estas carreiras e eu que ía ser o meu segundo trail propiamente dito. Intentei quecer un pouco antes da saída pero tiña as pernas con se foran dous paus e non din quecido, polo que fun cara a saída, coloqueime dos últimos para empezar tranquilo e pouco a pouco ir collendo ritmo.

Tras darse a saída, empecei a un ritmo moi tranquilo e falando con outros participantes ata que despois duns metros por asfalto collemos unha pista que era talmente un rio, a auga polos nocellos, algún participante intentaba non mollarse pero era inevitable polo que decidín meterme por todos os charcos que había. Empezaba a coller ritmo e as pernas xa me ían respondendo ben polo que rapidamente comecei a gañar posicións.

Ía tan centrado perseguindo aos corredores e a seguir gañando posicións que nun dos cruces que había no medio do monte collín o camiño que non era, xa que ao ir fixándote no chan para pisar ben e seguindo ao corredor que vai diante non me fixei nas marcas do camiño polo que fixen cerca de un km polo camiño erróneo. O curioso é que non me daba de conta de que non vía máis marcas ata que un grupo importante de corredores viña de volta dicindo que por alí non era, eramos uns 50 corredores que nos habíamos equivocado de camiño e eu sendo legal deixei pasar aos que xa ían diante polo que, entre os que non se equivocaron e os que deixei pasar, practicamente estaba nas últimas posicións... 

Tocaba remontar pero polo monte é máis complicado xa que os camiños e sendeiros son moi estreitos. Tras unha baixada na que tiñamos que ir agarrados a unha corda, percorremos uns metros pegados ao río ata que o temos que cruzar por unha pedras.

Tras cruzar o río viña unha pequena subida e unha zona onde se podía correr ata que de súpeto, ven unhas das subidas máis largas do circuíto que hai que facer andando pero que unha vez se chega arriba se podían contemplar unhas incribles vistas.

Logo de desfrutar das vistas e subir un pouco máis chegamos ao avituallamento onte tras beber un pouco e tirarme o resto da auga pola cabeza para refrescarme un pouco, sigo o camiño sen perder máis tempo. Viña a primeira baixada técnica de uns 300m aprox. para ir preparando as pernas para o que nos esperaba. Tras baixar tocaba volver subir por unha “zona de cabras” onde íamos andando e correndo por partes iguais xa que había que fixarse moi ben onde pisabamos.

Tras culminar o punto máis alto viña o máis “divertido”, baixar. Na baixada ao principio íase ben e controlando onde se pisaba pero de repente a cousa púxose seria e converteuse nunha baixada moi técnica, onde tiña que controlar moi ben onde pisar e ir freando como puideras para non acelerarme demais e acabar sabe deus onde. 

Nun dese puntos de baixada case paso por encima doutro corredor xa que non conseguía frear pero todo quedou en nada e puiden frear sen pasarlle ao outro corredor. Tras rematar a baixada tocaba volver subir, pero que subida! Eu practicamente subín a gatas e agarrándome das árbores para non ir para atrás. Despois disto o que quedaba xa era “fácil” e só quedaban un par de subidas e unha última baixada que levaba a meta pero que se facía por un camiño no que era fácil correr e onde un dos corredores me dixo si me podía seguir, xa que el ía desfeito e necesitaba a alguén que tirase del, así que veu comigo ata un metros antes de chegar a meta onde me deixou xa que, a carreira estaba feita.

O final posto 120º de 219 e 67 da categoría, con un tempo de 1:33:32 minutos que equivale a un ritmo de 7:12 min/km. O obxectivo pódese dicir que cumprido xa que aínda que me perdese, paseino xenial monte arriba e monte abaixo, cruzando unha chea de veces o rio (iso que non son moito de auga) e desfrutando das espectaculares vistas. 

Para a próxima espero non perderme porque dos dous trails que levo perdinme nos dous... 

Clasificación xeral homes:

Clasificación xeral mulleres:

1. Alba Baamonde Otero............ 1:16:45
2. María González Martinez ...... 1:25:57
3. Silvia Calvo Marta ................ 1:27:35

PD: Fotos cortesía de Arousa NeO. Grazas!!