VI Trail da Filloa

Pois outro concello que conquisto xa que nesta ocasión despraceime por primeira vez ata Zas onde se ía celebrar o VI Trail da Filloa con varias opcións en distancia e que me inscribín a máis curta que xa me ía chegar ben. Percorrido de 17Km e 800m+ que teñen fama de ser con moito barro e moitas zonas de río que non son a miña especialidade. Por sorte levaba un tempo sen chover e o terreo ía estar bastante ben aínda que os días previos caeron catro gotas para complicar un pouco o tema... 

O obxectivo sería:
  • Intentar chegar a meta ben e sobre todo desfrutar do trail e do entorno.

O resultado final foi:
  • Posto xeral: 22º de 264.
  • Posto categoría: 7º
  • Tempo: 1:58:41
  • Ritmo: 6:46 min/km
Os obxectivos cumpridos xa que o pasei moi ben durante a proba, con un percorrido divertido que parecía unha proba de obstáculos xa que nos atopamos de todo como se aprecia no vídeo. As sensacións tamén foron moi boas ata rematar a subida das cordas xa que me deixou as pernas esnaquizadas e algunha zona de ladeira polo río que como non se me dá ben pois non acabo de desfrutalas. Ademais conseguín o obxectivo que me puxen en carreira de baixar o ritmo medio e iso que a pouco km's ía bastante lonxe do obxectivo pero grazas a que os últimos km's eran de correr puiden baixar o ritmo por km. 

En canto a carreira gustoume moito, tes tres distancias a escoller: 45, 28 ou 17Km e dúas andainas de 25 e 12Km, zona para aparcar os corredores, servizo de gardarroupas, voluntarios nalgún cruce e zonas máis técnicas, o percorrido moi ben marcado, avituallamento intermedio completo ao igual que o final. Dous sitios onde poder ducharte, a opción de pagar 3€/acompañante para que puidese desfrutar tamén do avituallamento post carreira que incluía caldo, filloas, chourizo e bebida. Agasallo de un pino pero que se me esqueceu recollelo. Non atopei nada que se puidese mellorar que seguramente algo haberá pero eu persoalmente non notei nada en falta.

🏆 Clasificación xeral homes 🏆
  1. Andrés Flórez Pérez ... 1:40:58
  2. Fabi Amado Espasandín ... 1:41:54
  3. Jorge Querentes Santos ... 1:42:32
🏆 Clasificación xeral mulleres 🏆
  1. Apolonia Bermúdez Canosa ... 2:01:37
  2. Belén Riadigos Cardigonde ... 2:02:31
  3. Verónica Calvo Dopazo ... 2:03:30
Pd.: Clasificación completa. Moitas grazas por pasarte!

  • #
  • #
  • #

    • Comparte esta historia

    Tamén che pode gustar:

    0 comments

    Sígueme
    ¡Contacta!