Tras competir unhas horas antes na Carreira do Entroido de Trazo, despraceime ata Santiago de Compostela para participar na terceira proba do Circuíto CorreSan que neste caso sería a Ruta dos Parques. Percorrido de 5,3Km aprox. con saída na Cidade da Cultura e chegada ao Parque Eugenio Granell.

Os obxectivos serían:

Como anécdota, tiven que comprar outro dorsal xa que se me esquecera na casa e despois cando cheguei a casa e vin a clasificación tiven que reclamar por este posto xa que aparecía como DNS, tras mandar uns correos aos que non recibín resposta, 9 días despois actualizaron os postos e xa estou no lugar que rematei pero sen notificarme nada...

En canto a carreira, moi rápida xa que o terreo é todo favorable, o único que rompe o ritmo son os xiros bruscos que hai que facer baixando do Bosque de Galicia e algún máis despois no Parque Eugenio Granell tamén moitos xiros e unha subida nos últimos metros. Na organización ben no transporte ata a saída, nos voluntarios nos cruces e ben marcado o percorrido. Avituallamento final completo. Como negativo seguen na mesma tónica do circuíto coa falta de información xa que ninguén sabía das duchas e só os que a correron en edición pasadas podían intuír onde estaban pero creo que é esencial mellorar neste apartado, máis información.

🏆 Clasificación xeral homes 🏆