Cheguei bastante cedo xa que estiven mirando o regulamento e poñía que case había que aparcar en Padrón polo que decidín ir con tempo. Aparquei onde estaban as duchas en Padrón de dende alí fun a pé ata Lestrobe sobre 1km. Xa en Lestrobe recollín o dorsal e púxenme a dar volta por alí xa que ao final sobroume tempo... chegada a hora cambieime, deixei a roupa no gardarroupas e púxenme a quentar. Cando restaban uns minutos para a saída funme acercando ao arco de saída/meta pero houbo que esperar a que terminase un corredor de outra categoría que faltaba por chegar. Así con un pequeno atraso deu comezo a proba.

Arranquei ben coa idea de facer a primeira volta "tranquilo" para ver como era o percorrido e xa na segunda intentar apertar un pouco máis. Nos primeiros metros xa comezo a gañar postos e o terreo parecía bastante favorable o que fixo que todos fóramos moi rápidos. Non podo saber máis ou menos como íamos porque pasados un 500/600 metros mirei o reloxo e dinme de conta que me esquecera darlle a comezar polo que xa non sabía ben en que km íamos.

Cando pasamos por debaixo da autovía e nos puxemos a correr ao seu carón por un camiño de terra xa comezaba a quedarme só e pouco a pouco achegándome a algún corredor dos que ían por adiante. Este tramo de terra remataba nunha pequena subida de asfalto para volver a baixar e encarar unha longa recta onde pegaba o vento de cara non moito pero viña a refachos.

Tras a recta, volviamos a terra e a correr ao carón da autovía ata chegar ao Rio Sar onde dabamos volta e volviamos tamén pegados a autovía pero xa por asfalto e poñendo xa rumbo ao lugar de saída pero antes había un par de sorpresas. A primeira foi un dura subida que nada máis a empecei a subir a miña cabeza foise directamente a segunda das voltas e a pensar que tiña que gardar algo de forzas para ese tramo. A segunda sorpresa foi que rematada a subida entrabamos dentro do Pazo de Lestrobe para correr polos exteriores e non contaba para nada con ir por aí pero seguramente era o tramo máis bonito da proba.

Saímos do Pazo de Lestrobe e xa encaramos a longa recta de meta que tiña tendencia a subir e así rematar a primeira volta. As sensacións eran bastante boas pero decidín non forzar moito e seguir co ritmo mantido ao que estaba indo entorno a 3:45/3:50 min/km xa que seguía gañando algún que outro posto.

Durante a segunda volta foi máis do mesmo, aínda que na recta onde máis sopraba o aire agora notouse máis e foi algo máis molesto. Ao chegar a subida notouse e aí si que tiven que apertar un pouco os dentes para manter o ritmo porque xa me estaba chegando. Así chegamos a recta de meta onde perdo un posto de un corredor que adiantara uns Km's atrás pero para min a carreira xa estaba feita e nin intento sprintar contra el.

O obxectivo cumprido e boas sensacións que era o máis importante de cara a próxima proba.

🏆 Clasificación xeral mulleres 🏆