VIII Media Maratón Palas-Melide Os 21 do Camiño

Regresaba a que é considerada unha das mellores media maratón de Galicia, a Media Maratón Palas-Melide "Os 21 do Camiño". Percorrido que transcorre entre Palas de Rei e Melide facendo parte do Camiño de Santiago na versión do Camiño Francés.

O obxectivo sería:
  • Intentar baixar de 1:30:00 xa que non estou para intentar mellorar a marca que teño nesta proba que é de 1:25:51 acadados no 2018.
Cheguei a Melide con moito tempo de sobra xa que tiña que facer a intro para Youtube e non sabía onde a ía facer. Collín o bus que nos levaría a saída en Palas de Rei despois de facer a gravación. Xa en Palas recollín o dorsal e a bolsa do corredor. Tras colocar o dorsal, deixei a bolsa do corredor no gardarroupas e púxenme a quecer un pouco. Cando restaban 5 min. achegueime a liña de saída onde me coloquei moito mais atrasado que os anos anteriores. Sabía que non estaba para facer un gran tempo polo que mellor ir para atrás e se tiña que remontar, ía ter tempo. Así tras unha conta atrás deu comezo a proba.

Foto: FotoCarlosGrafias
Arranquei bastante ben, gañando algún que outro posto pero con calma non quería forzar moito. De feito o primeiro km non me sentía moi ben de pernas como si non quecera nada pero a partir de aí a cousa foi mellorando. Durante a volta que hai que dar por Palas de Rei antes de encarar Melide o ritmo estaba sendo bo, tanto que o Km 5 e 6 o ritmo estaba sendo por debaixo de 3:40 min/km tamén aí o percorrido era favorable pero non contaba de conseguir achegarme a ese ritmo.

Foto: Miguel Mayán
Polo Km 5,8 entramos no Paseo Fluvial do Colesterol, unha das zonas que máis me gusta do percorrido que dura ata o Km 7,5 onde se atopaba o primeiro dos avituallamentos do cal non collo auga, de momento ía todo ben.

Foto: Ivancho López Sport Photographer
Deixamos o avituallamento atrás e chega a primeira subida forte. Eran uns 500m aprox. pero xa comecei a notar que se me ía facer longo o percorrido. Continuamos por terreo favorable ata o Km 11 onde comezaba a cronoescalada "Subida o Mato". A partir de aquí acabáronse as forzas e xa comecei a correr por inercia. Durante os 1,6 Km's que duraba a cronoescalada fun perdendo postos e aínda estabamos na metade da proba... Rematamos a cronoescalada no Km 12,6 onde estaba situado o segundo dos avituallamento, neste si que collín auga pensando que ía ser milagreira e me ían vir as forzas pero non foi así.

Foto: Ivancho López Sport Photographer
Sentíame ben cando o terreo era favorable pero cando chegaba unha costa arriba non había maneira de avanzar e iso foi o que pasou nos seguintes km's. Tras a cronoescalada veu unha parte favorable que me deu a impresión de que ía volver a ser competitivo e que podía aguantar pero só foi un espellismo. Comezoume a doer bastante o psoas, músculo que che fai levantar a perna e lanzar a zancada, o que provocou que cada vez fose máis lento e pasos máis curtos.

Cando chegamos ao Km 17,6 onde estaba o terceiro e último dos avituallamentos, practicamente xa me ía arrastrando pola carreira, só desexaba chegar a meta e pola miña cabeza só tiña a idea de botarme a andar. Os postos estaban caendo seguido e non había maneira de engancharme a ningún dos corredores porque a diferenza de ritmo que levaban era bastante grande.

Foto: FotoCarlosGrafias
Xa en Furelos, Km 19,3, foi o último momento onde me sentín ben, xa que grazas a cantidade de xente e ánimos que alí estaban dando era imposible virse abaixo pero quedaba o peor. Dende aí ata a meta era todo o tempo subindo. 

Foto: Gerardo Porto
De feito durante todo ese último tramo o ritmo foi superior aos 6:00 min/km e así con moito sufrimento e finalmente sen botarme a andar en ningún momento conseguín chegar a meta.

Foto: Turismo Melide
O resultado final foi:
  • Posto xeral: 69º de 582.
  • Posto categoría: 13º.
  • Tempo: 1:33:45
  • Ritmo: 4:26 min/km.
  • Posto cronoescalada: 68º
  • Tempo cronoescalada: 7:30 min.
O obxectivo non se conseguiu xa que fixen 3:45 min máis do que tiña pensado pero sabendo que non estaba para correr esta distancia por falta de adestramento aínda non foi tan mal. O peor a dor nas pernas que levaba. Aquí vos deixo a evolución durante a proba:


En canto a carreira como xa me esperaba, percorrido duro con continuos sube e baixa por asfalto e terra. A organización sigue na súa liña de facer todo perfecto, voluntarios nos cruces e cintas cortando o tráfico, varios puntos de animación con gaiteiros, avituallamentos intermedios con auga e ese gran avituallamento final máis propio de probas de carreiras por montaña. Medalla finisher e bolsa do corredor que este ano incluía uns calcetíns, camiseta manga larga e camiseta sen mangas.
Para o ano espero poder estar de novo na saída e chegar preparado para intentar mellorar o tempo que teño nesta proba e achegarme un pouco máis o podio.


🏆 Clasificación xeral homes 🏆
  1. Nuno Costa ... 1:10:09
  2. Redouan Nouini ... 1:12:58
  3. Manuel Lorenzo López .. 1:14:45
🏆 Clasificación xeral mulleres 🏆
  1. Tina Fernández ... 1:28:20
  2. Beatriz Fernández Gil ... 1:29:20
  3. Ariana González Verde ... 1:31:55

  • #
  • #
  • #
  • #

    • Comparte esta historia

    Tamén che pode gustar:

    0 comments

    Sígueme
    ¡Contacta!