Unha vez cheguei a Estrada, fun recoller o dorsal. Xa con el, volvín ao coche para cambiarme e quedar listo para a carreira. Aínda faltaba bastante para a carreira pero por aburrimento púxenme a trotar moi lentamente para ir activando as pernas. Pouco a pouco imos incrementando o ritmo de quecemento xa que se achegaba a hora da proba. Coloqueime un pouco máis atrasado do que adoito saír porque non sabía como ía ter as pernas. Así tras unha conta atrás arrancou a proba pero este ano sen pirotecnia.

Arranquei tranquilo e con precaución, non estaba chovendo pero ata dúas horas antes do comezo da proba si que o facía polo que o chan estaba perigoso. Pouco a pouco fun gañando postos pero as sensación non acababan de ser de todo boas era como si estivese correndo sen ganas. Os cambios no percorrido non me estaban convencendo xa que fixeron que houbese máis xiros onde moitos corredores ían pola beirarrúa en vez de pola estrada e esta ao estar mollada era fácil esvarar. Así foron pasando os km's e termino a primeira das voltas en 14:24 min. metido nun grupo duns 7/8 corredores.

Na segundas das voltas fun a peor e fun perdendo contacto con ese grupo de corredores, tiña a sensación ir a tope pero cando miraba o reloxo o ritmo non era o que me esperaba. Nos momento onde mellor me sentía era cando o público que estaba alí animaba pero logo me viña abaixo e non había maneira de conseguir ir rápido. Así fun toda a segunda volta loitando conmigo mesmo para intentar ser competitivo pero non era o día. Remato a segunda das volta nun tempo de 15:17 min.

O obxectivo pódese dicir que non foi acadado xa que corrín sen ganas e non acabei de desfrutar todo o que debería supoño que hai días e nesta caso foi un dos malos. As pernas seguían tocadas da Media Maratón Os 21 do Camiño e tamén puido influír nas sensacións en carreira. Toca pensar na seguinte que xa é en dous días...

En canto a carreira persoalmente prefería o percorrido dos outros anos xa que había menos xiros e permitía correr mellor ademais dos 8Km anunciados finalmente foron 7,4Km... polo resto nada que obxectar. Camiseta técnica de agasallo, voluntarios nos cruces e avituallamento final con froita e auga.

🏆 Clasificación xeral homes 🏆