Cheguei a Vilagarcía con moito tempo de marxe xa que así dábame tempo a tomar o té que tomo antes de competir. Menos mal que fun con tempo porque onde tiña pensado aparcar estaba bastante cheo aínda que tiven sorte porque cando cheguei, atopei un sitio que estaba deixando outro vehículo.

Cando faltaban uns 30 min. acabei de cambiarme e púxenme a quecer facendo un pouco de recoñecemento do percorrido. Tras o quecemento fomos chamados a entrar na zona onde só podían entrar os corredores e nos explicaron como ía ser o procedemento de saída. Algo lento xa que cando me tocou saír xa estaba frío...

A saída era de 9 en 9 corredores cada 20 seg. e tiñamos que manter a distancia e formación durante os primeiros 50 metros. Polo que unha vez pasados eses metros xa podíamos adiantar e marcar o ritmo propio.

Arranquei bastante ben intentando volver a entrar en calor porque ata o km 2 aprox. non me comecei a notar ben xa que ía notando os xemelgo forzados. Pronto comezo a gañar postos, en principio todos os corredores que ían por diante miña tiñan un tempo maior ao meu pero os que saían despois ca min eran máis rápidos e algún pasoume que nin tempo me deu de mirar que zapas levaba... Remato a primeira das voltas facendo un tempo de 12:00 min. que supoñía un ritmo de 3:36 min/km sorprendido co rendemento pero había que seguir tirando.

Durante a segunda volta seguín na mesta tónica, gañando postos e forzando o corpo. A verdade é que me estaba sentindo moi cómodo correndo e a un ritmo bastante rápido. Aínda así esta segunda volta fun un pouco máis lento facendo 14 segundos máis que na primeira volta.

Na terceira volta paguei a falta de adestramento e comecei a notar esa sensación de querer ir máis rápido e non ser capaz. Ata que a falta de 1km aprox. me adianta un corredor e intentando seguilo sendo capaz e así cheguei a meta, facendo 19 segundo máis lento ca segunda volta.

O resultado final foi: