Campionato Galego de 5K en ruta 2016 (Curtis)

Chegou o día de comprobar como vai o proceso de recuperación, por iso participarei no Campionato Galego de 5km en ruta e a súa vez na III Carreira Popular de Curtis. Os obxectivos serán intentar conseguir MMP na distancia e para iso terei que baixar de 18:15 min que conseguira o ano pasado en A Estrada e intentar subir ao podio na popular. Sei que vou ter moi complicado os dous obxectivos xa que non chego nas mellores condicións pero por intentalo que non quede.

Cheguei con tempo de sobra xa que era a primeira vez que estaba en Curtis. Ao chegar recollín o dorsal e vexo as carreiras dos menores mentres chegaba a hora de poñerme a quecer. Unha vez chegado o momento, poño o dorsal e comezo co quecemento dando unha volta ao circuíto (na carreira serán dúas voltas) para ver as características e xa me din de conta que había un falso chan que picaba cara arriba que na segunda volta nos ía facer sufrir. Regreso cara a zona de saída para pasar pola cámara de chamadas e esperar a que se dea a saída.

Coloquei bastante adiante para buscar a marca e tras darse o pistoletazo de saída arrancamos, desde o meu punto de vista moi rápido, xa que me custaba aguantar o ritmo nos primeiros metros mentres perdía posicións. Ata o km 1,5 non comecei a gañar posicións pero moi lentamente ata que intento acomodarme nun grupo para ir a un ritmo progresivo. Ao paso pola primeira volta escoito a un do grupo que dimos a primeira volta en 9:10 min polo que tería que facer a segunda volta máis rápido para poder mellorar a miña marca. 


Intento seguir no grupo pero xa comezo a notar moito cansancio e a sensación de que as pernas non van, acompañado dunhas ráfagas de vento que non axudan nada. Pouco a pouco voume descolgando do grupo e comezo a perder algunha posición. No km 4 aprox. miro cara atrás e vexo que tiña ao seguinte corredor con marxe suficiente polo que só quedaba chegar a meta aumentando o ritmo nos últimos 300 metros para asegurar posición.


O final na clasificación do campionato galego quedei de 58º de 128 e 16º da categoría e na clasificación da popular quedei de 19 de 89 e 5º da categoría, con un tempo de 18:52 min que equivale a un ritmo de 3:46 min/km. Os obxectivos ao final non conseguín ningún xa que non logrei baixar a marca e tampouco conseguín chegar ao podio pero era de esperar levando só un mes adestrando e con moita precaución. 

En canto a carreira foi durilla xa que me esperaba algo máis plano porque tiña un pequeno repeito e un falso llano longo que picaba cara arriba que sumado co vento facía perder tempo. O avituallamento moi completo con froita, auga e chocolatinas, o agasallo dunha gorra e as duchas ao carón da saída. Moi ben organizada a carreira. Volverei sempre que sexa campionato galego ou queira intentar facer MMP xa que desprazarme 80 km para correr 5km non compensa moito.


Clasificación xeral campionato galego homes:
  1. Nicolas Arrojo Fernandez ................ 15:47
  2. Oscar Bujan Rodriguez .................... 15:54
  3. Ruben Caamaño Nieto ..................... 15:59
Clasificación xeral campionato galego mulleres:

  1. Rocio Alvite Ferreiro ...................... 18:20
  2. Barca Toba Suarez .......................... 19:05
  3. Claudia Blanco Olivares ................. 19:31
Clasificación xeral popular homes:
  1. Amador Pena Torreira ..................... 16:00
  2. Amadeo Abal Chaves ...................... 16:07
  3. Miguel Penedo Taboada .................. 16:38
Clasificación xeral popular mulleres:
  1. Rocio Alvite Ferreiro ....................... 18:20
  2. Tina Fernandez Barreiros ................. 19:35
  3. Noemi Moral Navazo ....................... 20:47
PD: Fotos cortesía de Atletismo Rúa. Grazas!!

  • #
  • #
  • #
  • #

    • Comparte esta historia

    Tamén che pode gustar:

    0 comments

    Sígueme
    ¡Contacta!