Hoxe tocou carreira preto da casa e despraceime ata A Estrada onde se disputaba a I Carreira do Salmón e unha hora despois o Campionato Galego de 5 km en ruta nun circuíto de dúas voltas.

O obxectivo na carreira popular será o de prepararme para o campionato de despois, ver que tal está o circuíto e si se pode, subir ao podio. Logo no Campionato o obxectivo será o de dar todo o que lle queden as pernas e intentar quedar o mellor posible xa que aí non teño opción de subir ao podio.

Día caloroso en A Estrada que era moi agradable para o público pero para os que tiñamos que correr xa non prestaba moito.

Tras ver a carreira dos menores, púxenme a quentar e saudar a algún compañeiro do equipo que andaba por alí e despois de poñernos na saída e comezar a carreira xa me din de conta que ía ser dura. Saín forte xa que ao ser só 5 km había que ir forte todo o tempo pero cando vin que íamos no km 1 e eu xa me empezaba a cansar foi cando me decatei que se me ía facer larga a carreira. Ao paso pola primeira volta ía “cómodo”, aguantando o ritmo do grupo no que me quedei porque non quería forzar máis xa que despois tería que volver a correr. Cando faltaba 1,5 km para a meta empecei a baixar ritmo por falta de forzas e intentando reservar algo para despois, aínda así estiven a piques de gañar unha posición máis na recta antes de meta pero o outro atleta subiu o ritmo e eu pasei de intentalo.

O final posto 8º e 3º da categoría, novo podio que se non tivese que volver a correr despois podería acadar mellor resultado pero conforme, con un tempo de 18:15 o que equivale a un ritmo de 3:39.

O circuíto que a priori era plano resultou ser un pouco falso e tiña rectas nas que se notaba como subías e se lle sumamos o calor e algo de aire o final provocaba bastante desgaste nas pernas.

Agora toca descansar unha hora para volver a correr pero desta vez no Campionato Galego.

Tras recoller o dorsal para o campionato, fun saudando ao resto do compañeiros do equipo que viñan só participar nesta proba e sen apenas quentar, xa que aínda estaba canso, coloqueime na cola para pasar pola cámara de chamadas, alí estivemos un cacho mentres non nos deixaban acceder a zona de saída. 

Unha vez nos deixaron pasar fúmonos colocando, ao entrar dos últimos tocoume ir bastante cara atrás e cando se deu a saída tivemos problemas con uns conos e a cámara que gravaba a saída, xa que estivemos a piques de tirala. Éramos bastantes e nos primeiros metros non había moito sitio por onde meterse aínda así evitei caer e fun gañando algunha posición pero notaba as pernas moi cansadas pola carreira de antes e decidín levar un ritmo constante e acabar como fora, gracias a levar o ritmo así fun gañando posicións e tamén gracias a gran cantidade de público fun aguantando e tirando para non baixar o ritmo. Na última recta antes de meta vin como o atleta que me viña por detrás comezou a apertar para o sprint final, eu intentei arrancar para facer o sprint pero notei que as pernas non respondían e desistín o intento.

O final posto 99º e 29º da categoría con un tempo de 18:58 o que equivale a un ritmo de 3:48. Fixen 43 segundos máis que na popular así que creo que bastante ben tendo as dúas carreiras seguidas e sendo a primeira vez que compito nos 5km homologados. En canto aos obxectivos das carreiras creo que se pode decir que superados, novo podio e as poucas forzas que me quedaban foron utilizadas no campionato, puido estar mellor pero hai que seguir adestrando para mellorar.

Como conclusión, fixen mal facendo as dúas carreiras ou organicei mal como facer as carreiras seguramente fora mellor que fora a tope durante a popular que de momento é ao que aspiro e así conseguir mellor posición e ir ao campionato para aprender e ver desde dentro o nivel que hai pero sen intentar conseguir nada e así para o ano se todo vai ben e sigo mellorando poder estar máis cerca dos de adiante.