Desta vez tocou ir a Santiago onde se realizaba a I Carreira Nocturna SantYaGo 10k con unha distancia de 10km homologados.

O obxectivo será desfrutar do ambiente que sempre hai ao correr polas calles da zona vella de Santiago e sendo unha distancia homologada, intentar baixar a miña marca que está en 37:06 dende a carreira de O Porriño. Aínda que non son moi partidario de correr polas tardes e menos pola noite ala fun. Un clima perfecto para correr e un gran ambiente o que había nada máis chegar.

Tras ir saudando a coñecidos das carreiras que cada vez son máis, púxenme a quentar con suficiente tempo xa que tiña intención de saír forte para evitar aglomeracións polas estreitas calles da zona vella e así evitar posibles caídas.

Tras realizar o quecemento e de colocarnos nos caixóns correspondentes, deuse a saída. Arranquei forte como esperaba e sen complicacións, adiantando a atletas e vendo a gran cantidade de público que tíñamos animando. Cando chegamos a Alameda xa vin como cada vez custaba máis alcanzar atletas e intentei manter o ritmo que levaba xa que ía cómodo e subindo cara a Praza de Galicia volvín a adiantar a varios atletas posiblemente porque se me dan ben as subidas e tiña as forzas ben para subir con ganas.
Ao paso polo km 5 ía na posición 32º e marquei un tempo de 18:28 que mantendo ese ritmo podía alcanzar o obxectivo de baixar a miña MMP polo que intentei aguantar o ritmo pero cando volvemos pasar pola Alameda xa empecei a notar as pernas cansas, debido a saír forte nos primeiros km e cada vez ía a menos, incluso me pasou algún atleta. Cando volvín entrar na zona vella para encarar os derradeiros km xa estaba dobrando aos últimos atletas e dende o meu punto de vista nesa zona foi un problema xa que algúns si que se apartaban ben para que os que viñamos dobrando puideramos pasar comodamente pero outros non apartaban e houbo algúns momentos de perigo. Xa encarando a Praza do Obradoiro para cruza a meta un último sprint disputado con outro atleta que finalmente lle consigo ganar.