O obxectivo:

Chegada a hora vou indo cara cámara de chamadas e aquelo era un caos. Como había que ensinar a licenza e pasar o control de temperatura ía moi lento e cando tiven que entrar dentro para colocarme na saída tiven que ir correndo porque a miña quenda xa ía saír sen min... Non sei como irían os que saían despois da miña quenda pero non creo que saíran todos a hora prevista.

Arranquei a proba ben, aos poucos metros xa estaba rodando ao ritmo obxectivos e realmente cómodo, incluso podía tirar un pouco máis pero había que gardar forzas. Aos 500m emparéllome con outro corredor e parecía que íamos sincronizados porque levabamos o mesmo ritmo isto axudoume bastante a non perder ritmo e seguir tirando.

Cada pouco tempo botáballe unha ollada ao reloxo para comprobar que seguía todo segundo o "planificado". Pero o percorrido tíñanos unha sorpresa coa que non contaba, no Km 2,4 atopámonos con un repeito duns 100m que me rompeu o ritmo completamente xa que ata ese punto os dous primeiro saíronme a 3:28 e 3:32 pero neste Km coa subida saíume a 3:39 perdendo o ritmo obxectivo e pensando que xa non ía dar conseguido mellorar o tempo. 

Tiven que cambiar o chip e convencerme de que había que intentalo ata o final. Só restaban dous Km e tiña que conseguilo. Comecei a correr sen facerlle moito caso ao reloxo para recuperarlle segundos ao crono, tanto que creo que durante todo o último km ía apertando os dentes como se restasen uns metros. E así finalmente crucei a meta saíndo estes dous últimos km a 3:27.

O resultados final foi:

🏆 Clasificación xeral homes 🏆