Tocou madrugar, As Pontes non está aí ao lado e tras 1h30min de camiño cheguei xusto para recoller o dorsal, volver ao coche cambiarme, pasar por cámara de chamadas para confirmar asistencia no campionato e poñerme a quecer uns 15 min. mentres falaba con compañeiros de carreiras de próximos obxectivos. Cando faltaban 5 min para o comezo, fun para o arco de saída e xa había moitos corredores esperando e collendo sitio para saír sen problemas, eu quedeime un pouco atrasado pero mais ou menos estaba no meu sitio. Tras o pistoletazo, deu comezo a proba.

A saída foi un pouco caótica, empuxóns, golpes e moita xente cruzándose no medio co perigo que ten, polo que saín con moita precaución de non caer nin tropezar con ninguén e cando se empezou a estirar un pouco o grupo pasado o primeiro xiro (200m.) comecei a marcar o meu ritmo e recuperar os postos que perdín na saída.

O percorrido era practicamente llano polo que tocou dar zapatilla e os ritmos ían estando no obxectivo para mellorar a marca, pero a partir do km 1,5 aprox. comezou a picar lixeiramente cara arriba. Apenas se notaba pero o ritmo era máis lento e non conseguía ir máis rápido, seguía gañando postos pero estábaseme escapando o obxectivo de mellorar o tempo.

O terreo seguiu picando cara arriba ata o km 3,3 aprox. a partir de aí cambiaron as tornas e o terreo ía lixeiramente cara abaixo polo que tocaba recuperar o tempo perdido e apertar todo o que podía. Seguía gañando postos e tiña opcións de conseguir o obxectivo pero non o tiña moi claro.

Último xiro e encaramos a longa recta de meta. Ía con outros dous corredores e din todo o que tiña durante toda a recta.

Cando faltaban uns 500 m. un deses corredores comezou a apertar máis eu intentei seguilo e conseguín sacarlle marxe ao outro corredor aínda que a posición era o de menos. Pasei toda a recta mirando o reloxo cada dous por tres sen saber se ía dar chegado por debaixo do tempo e tras esprintar os últimos 100 metros para intentar recortar uns segundos máis, cruzo a meta e ¡¡Obxectivo cumprido!!

O resultado final foi:

🏆 Clasificación xeral homes 🏆