Cheguei pronto a Marín, xa que meus pais e miña tía ían participar na andaina e saían un 30 min. antes da carreira. Así despois de que dera comezo a andaina, fun cambiarme e poñerme a quecer. Durante o quecemento oín por megafonía que este ano o percorrido sufría un cambio e en cada volta que había que dar, tiñamos que entrar no campo de fútbol. Os outros anos non había que entrar polo que aparte de incrementarse a distancia, xa non podía mellorar o tempo e como consecuencia un obxectivo menos a cumprir.
Cando faltaban 5 min. para a o comezo da proba fun entrando no campo de fútbol, onde estaba situada a saída e meta pero antes de colocarnos, sacamos unha foto de equipo.

Tras a foto xa me dirixín cara a saída, onde me coloquei nunha cuarta fila máis ou menos e así tras unha conta atrás, Tamara Echegoyen deu o pistoletazo de saída.

Arranquei regular, con moita precaución de non tropezar polo que durante os primeiros metros fun perdendo posto. Tras os dous primeiros xiros no campo de fútbol e segundo se ía estirando o grupo de corredores comecei a remontar e a marcar o meu ritmo. As sensacións eran moi boas, claramente era a primeira volta pero todo ía ben. Fun remontando durante toda a primeira volta, marcando moi bos ritmos igual demasiado rápido pero se daba aguantado podía ser que tivera opcións ao podio.

Na segunda volta, na subida dura xa comecei a notar o esforzo da primeira pero tampouco moito, notábame con forza para seguir tirando aínda que xa non ao nivel da primeira volta. Conseguín sacar unha diferencia cos perseguidores e por adiante tampouco vía que puidese chegar polo que durante esta segunda volta estiven rodando só. 

A terceira e última volta paguei o esforzo da primeira volta, xa comecei a mirar cara atrás para ver que distancia tiña cos perseguidores, durante a subida non me faltou nada para botarme a andar, como me custou subir... Tras a subida viña unha pequena zona onde recuperar antes de encarar a baixada, eu intentaba apertar para manter distancias pero ía afogado. Durante a baixada escoitaba os pasos dos perseguidores que cada vez estaban máis preto e xusto cando comezamos de novo a subir xa rumbo ao campo de fútbol para entrar en meta perdo un posto con un compañeiro de equipo, puiden apertar un pouco máis durante a volta ao campo pero preferín non facelo dado que ao día seguinte tiña outra proba importante e por hoxe xa estaba ben.

Así crucei a meta satisfeito co resultado obtido pero con unha sensación de que me falta un punto de forza e resistencia de cara os últimos km's.

O resultado final foi:

🏆 Clasificación xeral homes 🏆