I Cross Popular Cabo Udra

Houbo que espertar cedo para emprender a viaxe cara Bueu, onde se ía celebrar o I Cross Popular Cabo Udra sobre unha distancia de 10 km (link a ruta da carreira), os obxectivos serán seguir collendo ritmo e desfrutar da carreira que seguro que nos ofrece unhas boas vistas. 
Cando cheguei a zona da carreira xa se podía ver un gran ambiente e recollín o dorsal mentres saudaba a algúns dos integrantes do equipo que tamén disputaban a proba. Logo tocou esperar a hora para poñerse a quentar, aínda que coa calor que estaba a facer xa case non facía falta pero algo si, polo que me cambiei e puxémonos a quecer. 
Uns momentos antes de darse o inicio da proba sacamos a “rigorosa” foto de equipo e xa nos colocamos na saída.


Coloqueime na zona de adiante, xa que despois do quecemento notábame ben e ía intentar correr rápido para ver como van traballando as pernas despois das tres semanas de adestramento que levo despois da lesión.


Arranquei bastante ben aínda que sen poder gañar posicións, xa que ao ir por corredoiras non había moito espazo para adiantar así que ata o km 1 aprox. non comecei a gañar posicións.


Intentei seguir tirando forte para saber ata onde daba chegado, todo parecía ir ben e desfrutando da carreira xa que tiña algunha zona técnica onde tiñas que mirar e calcular ben onde pisar para non torcer un nocello e outras zonas máis tranquilas onde poder desfrutar das paisaxes.


Todo ía ben ata o km 4, xa comezaba a notar cansancio nas pernas que sumado a calor que estaba facendo aínda se notaba máis esa sensación de non poder máis, polo que tiven que afrouxar un pouco o ritmo. 
No km 5 aprox. esperabame unha sorpresa, non contaba con que houbese tanta subida por aí e na máis grande que había tiven que botarme a andar porque xa non daba máis pero polo visto todos os que viñan conmigo por diante e por detrás subiron andando, o meu problema foi que a partir de aí deume flato e casi non daba respirado, iso si que fixo que me adiantase moita xente e que perdera todo o ritmo que levaba para intentar recuperarme. Fun sufrindo sobre 2 km nos que me custaba moito coller aire pero confiaba en que me pasase.


A partir do km 8 parecía que xa volvía a “estar ben” agora o que non tiña era forza nas pernas para recuperar o terreo perdido e aínda que tratei de ir máis rápido, as forzas xa fallaban e non conseguín gañar ningunha posición, incluso a falta de 500 metros para chegar perdo outra posición.


**(Resultado e tempo provisionais por erros no lector de chip)** 
O final acadei o posto 45° de 194 e -° da categoría con un tempo de 45:52 min que equivale a un ritmo de 4:35 min/km. Os obxectivos cumpridos, a pesar de pasalo mal durante boa parte da carreira sei que ao ser máis dura e técnica nalgunhas zonas fixo que traballasen doutra forma as pernas, sendo un bo adestramento e as vistas que se podían ver, incribles.
En canto a carreira, foi dura, sobretodo pola calor que fixo e esa costa que non contaba con ela pero polo resto unha gran carreira e moi ben organizada, para o ano espero volver ser da partida e por suposto chegar en mellores condicións.

PD: Fotos cortesía de: Cross Popular Cabo Udra, Fotocarlosgrafias.com, Esteban Benrei. Grazas!!

Unha vez desplazados alí e ao estar ao lado do mar, tocou pasar a tarde na praia cos amigos que se desplazaron a correr, animar e vir a praia. Moi ben polos que correron na Carreira Popular de 4 km e ademáis conseguindo bos resultados sendo Alberto Pereiras Pena 4º da xeral e 3º da categoría e Andrés Seoane Pena 13º da xeral e 1º da categoría.

  • #
  • #
  • #

    • Comparte esta historia

    Tamén che pode gustar:

    0 comments

    Sígueme
    ¡Contacta!