XVI Cross de Boborás

Semana complicada xa que despois de adestrar o luns, as molestias que arrastraba de fai unhas semanas foron a máis e deixoume sen adestrar o resto da semana. As molestias están localizadas pola zona traseira do xeonllo e pola parte dos isquiotibiales que non me deixaban nin trotar nin estirar a perna completamente así que decidín esperar a ver como evolucionaba o resto da semana para decidir se ía a carreira. O final o sábado estaba mellor e polo menos trotar un pouco podía e decidín ir de todas formas o Domingo a Boborás onde se disputaba o XVI Cross Popular Concello de Boborás sobre unha distancia de 7,4 km. 
Os obxectivos serán os de intentar rematar e se é sen molestias moito mellor, tamén intentarei pero xa se remato a carreira, baixar o tempo do ano pasado que está en 31:08 minutos e desfrutar do percorrido que sempre se agradece correr polo monte e sendeiros de vez en cando. 
Unha vez cheguei a Boborás, recollín o dorsal, saudei a compañeiros que tamén ían disputar a carreira e funme cambiar para comezar co quecemento xa que o día estaba moi frío.

Xa colocado na saída, posicioneime na zona media do pelotón xa que o primordial é rematar e non sabía como me ía responder a perna. Tras darse a saída arranquei tranquilo e comprobando as sensacións, así foi o primeiro 1,5 km no que aguantei o ritmo e no que non podía ir moito máis rápido xa que cada vez que quería ir máis rápido, dábame un pinchazo polo lateral do xeonllo que non me deixaba aumentar o ritmo, aínda así nese tramo ganei moitas posicións xa que ao saír na zona media tiña moita xente por diante a que me resultaría fácil adiantar dado a que teño un ritmo superior.

A partir de aí en plena subida comecei a sentirme mellor notando só un leve pinchazo pero que me deixaba correr “ben” polo que recuperei moitas posicións e xa levaba un ritmo máis competitivo. Este ano o terreo estaba perfecto para ir rápido xa que o ano pasado estaba chovendo e había zonas con moito barro e moitos charcos pero este ano todo limpo polo que puiden acadar un bo ritmo a pesar de levar unhas zapatillas de asfalto. Ao paso polo km 3,7 onde estaba situado un control de paso, marquei un tempo de 15:20 o que equivale un ritmo de 4:09 min/km e situado no posto 48º. Desde ese control ata meta fun aguantando o ritmo que estaba levando xa que cada vez que intentaba forzar un pouco máis o pinchazo era máis forte. O último km non notaba ningunha molestia e puiden tirar un pouco máis chegando a meta detrás de outros dous corredores onde pensei se intentar adiantalos ao sprint ou conformarme e por razóns obvias decidín non forzar máis e quedarme nesa posición.
 

O final posto 31º de 261 e 18º da categoría con un tempo de 30:19 minutos o que equivale a un ritmo de 4:06 min/km. Os obxectivos pódese dicir que cumpridos xa que conseguín baixar o tempo en 49 segundos e desfrutei moito correndo polas pistas forestais pero o malo foi que as molestias estiveron presentes practicamente en toda a carreira polo que vai tocar pasar polo fisioterapeuta a ver que me di e moi posible tomar un descanso.
 

Resumindo, boa carreira e boa organización na que fun de menos a máis a pesar das molestias e un circuíto rápido que este ano deixaba correr sen estar mirando onde se pisaba continuamente. De agradecer o chocolate quente do final que nun día frío fai moita falta o que segue sen arranxarse é o tema das duchas que non hai que se bañe alí se o día está frío a auga todavía sae máis fría. Para o ano se as lesións o permiten volveremos a esta carreira que segundo dixeron é posible que fagan unha paralela de máis distancia e tirando máis cara o trail.
PD: Fotos cortesía de Xurxo, Jorge Carreira e Concello de Boborás. Gracias!!

  • #
  • #
  • #

    • Comparte esta historia

    Tamén che pode gustar:

    0 comments

    Sígueme
    ¡Contacta!