Desta vez tocou desprazarse ata Riveira onde se disputaba a XVIII Carreira Popular Santa Uxía de Riveira sobre unha distancia de 10 km homologados que se terían que dar en dúas voltas. 

Os obxectivos serán o de mellorar o resultado do ano anterior e si se pode baixar a miña MMP nesta distancia xa que está homologada pola federación aínda que vai estar complicado xa que esta semana non puiden adestrar porque me colleu o frío e estiben algo acatarrado pero farase o mellor posible. 

Unha vez chegados a Riveira recollín o dorsal e púxenme a quentar xa que cheguei co tempo bastante xusto aínda así deume tempo a saudar a compañeiros de carreiras e a observar o nivel que ía haber. Xa preparados para a saída coloqueime na parte media cara adiante, había bastante corredores por diante, cousa que empeorou o meu tempo xa que unha vez dada a saída non tiña por onde avanzar ben polo que ía correndo a golpes sen ter un sitio por onde marcar o meu ritmo para intentar bater a miña marca e ata o km 2 ou 3 non comecei a marcar un ritmo forte e gañar posicións.
A partir de aí seguín a táctica de intentar coller ao seguinte corredor xa que non son moito de quedarme nun grupo e menos se estou para intentar baixar marca. Cando xa levaba 5 km e pasei por meta sentíame cómodo e ía ben de pernas polo que seguín tirando e pasando a outros corredores ata que cheguei a un punto no que tiña tanto ao corredor de atrás como a corredora de adiante con distancia, aínda así seguín empuxando xa que na miña cabeza pensaba soamente no meu tempo e que competía contra min e así o último fíxeno sen pensar se tiña forzas ou non pero apertei o máximo para intentar mellorar a marca. 

O final posto 26º de 296 e 4º da categoría con un tempo de 36:55 o que equivale un ritmo de 3:42 min/km. Os obxectivos finalmente foron cumpridos, mellorei a resultado do ano anterior e conseguín MMP reducindo o meu tempo en 11 segundos aínda que non é moito, xa baixei a barreira dos 37 minutos polo que a próxima meta será baixar aos 35 minutos. En canto as sensación durante a carreira moi ben sen ningún tipo de molestia e ao acabar un pouco de dor no peito producido polo catarro que aínda teño pero nada preocupante. 

Resumindo, carreira perfecta para facer marca aínda que ten algunha pendente leve e algún cambio de sentido que che fan perder algún segundo. En canto a organización para min moi boa tendo bastantes cousas onde elixir no avituallamento ata cervexa había.