Desta vez tocou desprazarse ata A Estrada onde o V Carreira Memorial Manuel Bergueiro sobre unha distancia de 10 km aprox que se terían que dar en tres voltas. 

Os obxectivos serán de confirmar as boas sensación nas que me atopei a semana pasada en Riveira e intentar chegar ao podio, aínda que isto último vexo moi complicado xa que hai premios económicos. 

Unha vez chegados á Estrada recollín o dorsal e tras saudar a coñecidos, púxenme a quentar. Xa preparados para a saída coloqueime na parte media cara adiante para evitar as aglomeracións e poder marcar un ritmo rápido dende o comezo da proba. E así foi saída bastante limpa onde desde un principio puiden correr ao meu ritmo e seguindo a estratexia de ir aumentando o ritmo segundo vaia pasando a corredores para intentar coller o seguinte. 

Así ao paso pola primeira volta, marquei un tempo de 11:05, bastante ben e boas sensación aínda que agora que xa sabía como eran as voltas afrouxei un pouco o ritmo porque o circuíto tiña pendentes non moi pronunciadas pero notábanse nas pernas. Polo que a segunda volta marquei un tempo de 11:31, a última recta desta segunda volta xa empecei a notar algo de cansancio pero seguía ben para dar a terceira volta. 

Na terceira volta a iso da metade do circuíto vinme abaixo empezaba a notar xa cansancio e dor nas pernas se cadra fun rápido de máis na primeira volta pero aínda que me adiantaron algúns corredores fun gardando algo de forzas para a última recta onde o din todo e recuperei algunha posición ata chegar a altura da segunda clasificada feminina onde baixei o ritmo e deixei que entrara diante, total unha posición máis ou menos non me ía quitar de nada e na categoría tampouco me influía polo que nesta última volta marquei un tempo de 11:38. 

O final posto 24º de 168 e 12º da categoría con un tempo de 34:16 o que equivale un ritmo de 3:25 min/km. O tempo demasiado rápido polo que ao chegar a meta pregunteille a compañeiros se estaba ben a distancia e resulta que polos seus GPS faltaban uns 600m para os 10km. Os obxectivos finalmente ben boas sensación durante case toda a carreira menos no final que notei cansancio polo que me falta adestramento e o podio non puido ser pero que xa tiña claro ao haber premio económico polo medio. 

Resumindo, boa carreira e entretida en canto ao circuíto con sube e baixa seguidos que fan espremer as pernas. En canto a organización para min moi boa menos o lugar onde estaba o avituallamento intermedio xa que estaba en plena curva e na que eu particularmente din as dúas veces que pasei por alí con coidado de non esvarar pola auga que caía pero polo resto todo ben.