Hoxe despraceime ata Muros onde se celebraba a VI Carreira do Espíritu Santo, sobre unha distancia de 8 km e que sería a primeira vez que participaría.

O obxectivo sería o de desfrutar das vistas, intentar quedar diante a ver si se podía seguir coa racha de podios e sobre todo e máis importante axudar xa que a carreira é solidaria.

Parecía que ía tocar mollarse pero ao final non foi así xa que a agua non fixo presencia pero si que nos acompañou, durante toda a carreira, un forte aire que en momentos me custaba avanzar e incluso desequilibrándome, problema de pesar pouco...

Sen apenas quentar por falta de tempo, colocámonos na saída e comezou a carreira que empezaba cunha forte baixada duns 200/300 metros ata que se empezaba a subir para volver ao punto de inicio e coller outro camiño no que se seguía subindo.
Estaba situado entre os 10 primeiros pero non tiña boas sensacións coas pernas, seguramente falta de adestramento ou non quentar pero unha vez alí había que apertar para ver que se podía conseguir.
Pasamos sobre uns 3 ou 4 km subindo tanto por asfalto como por camiños de terra e despois tocaría baixar uns 2 km, nestas zonas de baixada sobre todo cando baixa polo asfalto mollado, perdín bastante tempo por medo a esvarar e irme ao chan. Mentres estábamos baixando podíamos desfrutar dunhas fermosas vistas xa que íamos mirando cara o mar. Despois desta baixada tocaba subir outra vez xa todo por asfalto onde puiden recuperar e marcar un ritmo constante e creo que rápido intentando dar caza ao grupo que levaba por diante aínda que xa era tarde para chegar e tiven que conformarme pero se dura 1 km máis posiblemente puidera contactar con eles.

Ao final cheguei no 6º posto con un tempo de 32:23 o que equivale a 4:03 min/km. Moi ben polo dura que é a carreira aínda que tiven que reclamar o posto xa que o meu dorsal non figuraba nos entrados a meta e tiveron que revisar as fotos ao final só foi un erro ao anotar o dorsal.
Tamén unha pena que non houbera premios para as categorías como nas demais carreiras porque tocaríame volver subir pero o importante é que sigo aí adiante aínda que as sensación non foron moi boas.