Desta vez despraceime ata Touro onde se ía disputar a III Carreira Pedestre Concello de Touro sobre unha distancia de 10km.

O obxectivo nun principio sería o de pasalo ben, sen ir buscar nada en concreto xa que viña de disputar o día anterior outra proba en Sigüeiro e todos dicían que era unha carreira dura con constantes subidas e baixadas pero ao haber pouca participación pois podía ser que tivera algunha opción de volver a subir ao podio.

O día ameazaba chuvia pero ía aguantando. Tras realizar o quecemento con outros atletas que ían disputar a proba e de dicirnos como era o circuíto colocámonos na saída para comezar, ninguén se quería poñer na primeira fila, non sei o motivo pero eu tampouco quería pero alí estaba situado practicamente adiante de todo o curioso foi que estando alí adiante non escoite cando ían dar o pistoletazo de saída e pilloume no aire saltando pero iso foi o de menos. Tras darse a saída intentei manter o ritmo do grupo de cabeza pero era moito ritmo para min e pouco a pouco fun perdendo terreo aínda así estaba entre os 10 primeiros atletas. 

Tiñan razón que o circuíto era duro pero a súa vez entretido porque ao ser a primeira vez que participaba non sabía o que me ía atopar, corremos por asfalto, terra e subindo e baixando seguido sen apenas zonas planas que desgastaban moito as pernas. A partir do km 5 xa me empecei a notar canso supoño que debido a saír cun ritmo elevado e ao desgaste do día anterior pero tiña unha cómoda vantaxe sobre o atleta que me viña por detrás e intentei levar un ritmo para manter a posición xa que tiña medo de forzar máis e que me dera flato ou calquera lesión muscular por non estar descansado do día anterior.

Cando estaba polo km 7 a ameaza da chuvia cumpriuse e empezou a chover levemente eu desexando chegar a meta para que non me pillase a auga así que o final apertei un pouco máis e os dous últimos km fíxenos a un ritmo un pouco máis alto sen saber que a costa do último km posiblemente fora das máis duras xa que despois de pasar 9km subindo e baixando as pernas xa non estaban para moito máis pero había que subila, non quedaba outra. Tras esta costa xa era terreo favorable ata a meta.

O final posto 7º de 76 que xa o sabía cando crucei a meta porque funos contando dende a saída para ter a posición controlada pero a sorpresa foi cando fun ver a clasificación por se conseguira premio na categoría e finalmente 1º da miña categoría con un tempo de 40:11 e un ritmo de 4:01 pero que está mal porque o circuíto finalmente tiña un 10,3km e tería un ritmo de 3:54. Esta sería a primeira vez que estaba no máis alto do podio, algo que xa levaba tempo buscando e que despois de moito esforzo e adestramento conseguín.

En resumen, carreira moi dura que se lle sumas que viña doutra carreira o día anterior aínda se fai máis dura pero que unha estupenda organización e todo moi ben sinalizado para o ano volveremos para intentar mellorar haber si se consigue podio na xeral.