Andaina A Camelia 2024

Ata última hora estiven esperando a ver se podía correr o Trail da Camelia que este ano cambiou de localización de Vedra para Santa Cruz de Ribadulla polo que tamén cambiaba as distancias e os percorridos. Finalmente pola lesión non conseguín chegar polo que decidín ir a andaina que tamén se facía. O percorrido sería o mesmo que o do trail de distancia intermedia con algunhas variacións para evitar zonas máis técnicas polo serían 14Km e 400m+.


🏁 PERCORRIDO 🏁


O percorrido saía dende o centro cultural de Santa Cruz de Ribadulla e a escasos metros atravesamos o Pazo de Ortigueira co seu paseo das oliveiras. Deixando o Pazo atrás, poñemos rumbo ao Rio Ulla para ir ao seu carón percorrendo un tramo da Ruta de San Xoán da Cova que chega ata o Miradoiro de Gundián. Dende aí imos polo Roteiro da Loba pasando pola Fervenza do Pontillón, a Fervenza de Codeso e varios muíños. Tras deixar o rio atrás viñeron zonas de monte, varias subidas duras, sendeiros e pistas que xa indicaban que estabamos preto da meta e chegar ao mesmo punto da saída. 

✅ PUNTOS POSITIVOS ✅ 
  • Boa información das probas.
  • Varias distancias a escoller entre 10K, 14K ou 32K para a carreira e andaina de 14K.
  • Ampla zona para aparcar aínda que ao final quedou escasa e houbo que buscar sitio nos arredores pero sen problema.
  • Recollida de dorsais o día previo ou o mesmo día.
  • Voluntarios nos cruces coa estrada e puntos conflitivos.
  • Moi boa marcaxe do percorrido aínda que creo que faltou un sinal xusto no miradoiro de Gundián que indicase que había que seguir de fronte e non ir cara o miradoiro xa que por alí había cintas da carreira.
  • 2 avituallamento intermedios moi completos.
  • Avituallamento final moi completo con todo o que te poidas imaxinar ata había filloas e bolos preñados para todos.
❌ PUNTOS A MELLORAR ❌
  • O que comentei de ese sinal que non viña mal no miradoiro de Gundián.
  • As duchas que quedan a 2Km no campo de fútbol e hai que ir no coche pero é o prezo a pagar polo cambio de localización.
  • Algo complicado foi deixar pasar aos corredores cando íamos entre a Fervenza do Pontillón ata que saímos da zona do rio xa que era unha zona moi estreita e era difícil apartarse para deixar pasar e non molestar.
Moitas grazas por pasarte e vémonos nas carreiras. ✌️

  • #
  • #
  • #

    • Comparte esta historia

    Tamén che pode gustar:

    0 comments

    Sígueme
    ¡Contacta!