Despois de participar o día anterior na +10 Marín Manuel Rosales, tocou desprazarse ata Vilagarcía de Arousa para participar na XVIII Carreira Nocturna de Vilagarcía proba que disputei o ano pasado e que todo parecía indicar que ía ser o mesmo percorrido, tres voltas completamente chan ata completar unha distancia de 10Km.

O obxectivo sería:

Tras recoller o dorsal estiven dando unha volta por Vilagarcía e vendo as carreiras das categorías de menores xa que a proba absoluta era a última en disputarse. Chegado o momento acabei de prepararme e púxenme a quecer. As sensacións non eran moi boas e notaba as pernas un pouco cansas, claramente non estaban recuperadas do esforzo do día anterior.

Restaban 5 minutos para a saída e achegueime a liña de saída, a diferenza do día anterior onde buscaba estar o máis adiante posible, desta vez quedeime un pouco máis atrasado xa que sabía que non ía ter as pernas para moita festa e como eran 3 voltas ía tomar a primeira das voltas con "calma" e despois xa iría vendo se apertar ou manter o ritmo. Así case sen darme de conta comezou a proba.

Arranquei tranquilo e intentando non deixarme levar polo ritmo que se soe facer na saída onde todos imos máis fortes. Así practicamente mantiña o posto e levaba un ritmo que me estaba resultado cómodo. De feito estiven intentado que me seguise un compañeiro de carreiras co que estiven falando ao comezo pero ao final da primeira volta empecei a sentirme mellor e comecei a tirar un pouco máis forte. O percorrido era o mesmo que o último ano totalmente chan. Así completo a primeira volta de 3,3Km nun tempo de 12:31 min.

Durante a segunda volta comecei a ir máis rápido, era a última proba antes do descanso de agosto polo que pensei para min que había que dar o que tiñan as pernas e xa tería tempo de recuperar. Así comecei a gañar postos e a verdade é que me estaba sentindo ben, apenas notaba o cansancio do día anterior e remato a segunda das voltas nun tempo de 12:27 min, uns segundos máis rápido que na primeira volta polo que nada mal.

Quedaba a terceira é última volta, seguía tirando pero agora si que comecei a notar que as pernas non ían tan ben como antes e xa non conseguía gañar postos pero si que era capaz de manter a posición que tiña. A pesar de facer os últimos metros a tope perdo un posto na recta de meta e remato esta última volta facendo un tempo de 12:44 min polo o cansancio xa era notable pero satisfeito coa carreira realizada.

O resultado final foi:

En canto a organización estivo ben pero co fallo grave que comentei ao principio do estacionamento, de feito antes da carreira xa escoitei a outros corredores queixarse do mesmo. Avituallamento intermedio con auga, avituallamento final con auga, isotónico, froita e barrita enerxética e camiseta técnica de agasallo. Descoñezo se había duchas xa que tras mirar o resultado xa marchei.

🏆 Clasificación xeral homes 🏆